ۇكىمەت مۇشەلەرىمەن وتىرعان فرانسيا پرەزيدەنتى ەممانيۋەل ماكروننىڭ ءيتى كەزدەسۋ ءوتىپ جاتقان بولمەدەگى كامينگە سارىپ، اڭگىمەنى ءبولىپ جىبەردى. ۆيدەو بۇگىن Life.ru سايتىندا جانە الەۋمەتتىك جەلىدەگى پاراقشاسىندا جاريالاندى دەپ جازادى Qamshy.kz اقپارات اگەنتتىگى. ەكولوگيالىق جانە الەۋمەتتىك دامۋ ءمينيسترى بريۋن پۋارسون سويلەپ وتىرعان كەزدە ونىڭ ارقا جاعىنان شورىلداعان دىبىس شىقتى. وسى كەزدە ءبارى بۇرىلىپ قاراپ، ءيتتىڭ تىرلىگىن كورگەن سوڭ ىشەكتەرى قاتىپ كۇلە باستادى.
– باسە، بۇل نە قىلعان دىبىس دەسەم، – دەدى پۋارسون.
– ول ىلعي ءوستي مە؟، – دەپ سۇرادى قوناقتاردىڭ ءبىرى جيۋلەن دەنورماندي.
– جوق، - دەپ جاۋاپ بەردى پرەزيدەنت كۇلىپ. – سىزدەر كەلىپ ەدىڭىزدەر مەنىڭ ءيتىم وسىنداي قىلىق شىعارىپ وتىر.
