24-26 قازان ارالىعىنا ارنالعان اۋا رايى بولجامىن Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.

وتكەن دەمالىستا بىرنەشە ايماقتا اۋا رايىنىڭ ناشارلاۋى كۇتىلگەنگە بايلانىستى داۋىلدىق ەسكەرتۋ حابارلانعان بولاتىن. قازاقستاننىڭ تەرريتورياسىنا بارعان سايىن قاردىڭ جاۋۋىن اكەلەتىن سيكلوندار جىلجىپ جاتىر. رەسپۋبليكانىڭ باتىسىندا ورنالاسقان سيكلون، سولتۇستىك جانە باتىس وبلىستارىندا جاڭبىر جانە قار تۇرىندەگى جاۋىن-شاشىندى تۋدىرۋدا.

جاقىن ءۇش تاۋلىكتە جاۋىن-شاشىن بارعان سايىن قارعا اۋىسا باستايدى. سيكلوننىڭ جىلجۋ شاماسى بويىنشا جانە ونىمەن رەسپۋبليكانىڭ سولتۇستىك-شىعىسىنا سۋىق اتمسوفەرالىق فرونتتارمەن بايلانىستى، سولتۇستىك، سونان سوڭ جانە شىعىس وبلىستارىندا قاتتى قار جاۋۋ، باتىستىق ۇيىتقىمالى 23-28 م/س جەل، كەيبىر جەرلەردە بوران، كوكتايعاق كۇتىلەدى.

جاقىن تاۋلىكتە قازاقستاننىڭ وڭتۇستىگىندە، 25 قازاندا وڭتۇستىك-شىعىسىندا، جاڭبىر تۇرىندە جاۋىن-شاشىن كۇتىلەدى. ءقازىردىڭ وزىندە تاۋلى ايماقتاردا جاڭبىر جانە قار جاۋۋدا. ەلىمىزدىڭ كوپ بولىگىندە اۋا تەمپەراتۋراسى تومەندەپ، كليماتتىق نورمادان  3-5º س تومەن، وڭتۇستىك وبلىستاردا نورماعا دەيىن تومەن بولادى.