ماسكەۋدە تاكسي جۇرگىزۋشىسى تۇنگى كلۋبتان شىققان 24 جاستاعى ايەلدى زورلاعان. بۇل جايىندا لەنتا.رۋ حابارلايدى.
وقيعا 23ء-شى قازان كۇنى ساعات تاڭعى 4.00 شاماسىندا ورىن العان. ايەل كەشكىسىن كلۋبتا بولىپ، تانىمال باعدارلاما ارقىلى تاكسي شاقىرعان. كولىككە مىڭگەن سوڭ بويجەتكەن قالىڭ ۇيقىعا كەتكەن. كوزىن اشقاندا شالبارى مەن ءىش كيىمىنىڭ شەشۋلى ەكەنىن اڭعارعان.
تاكسي جۇرگىزۋشىسى ءوزىنىڭ جولاۋشىمەن قارىم-قاتىناستا بولماعانىن ايتىپ، 400 رۋبل كولەمىندە جولاقىسىن سۇراعان. اقشانى قالدىرىپ، ماسكەۋلىك ايەل ءۇيىنىڭ ماڭىنان ءتۇسىپ قالادى. ول جەردە ونى كۇيەۋى كۇتىپ تۇرعان.
ۇيگە كەلگەن سوڭ وقيعانىڭ ءمان-جايىن بىلگەن ايەل، پوليسياعا شاعىمدانعان.
ال ءقازىر تاكسي جۇرگىزۋشىسىن ىزدەستىرۋ جۇمىستارى باستالدى.
