ءبىرىنشى دۇنيەجۇزىلىك سوعىس كەزىندەگى ماحاببات حاتى ءبىر عاسىر وتكەن سوڭ انتيكۆارلىق تارتپادا تابىلعان. ءبۇل تۋرالى Daily Mail باسىلىمى جازادى. دجوردج ەسىمدى سولدات ءوزىنىڭ ەيلين ەسىمدى سۇيىكتىسىنە 1916 جىلدىڭ ناۋرىزىندا حات جازعان. حاتىندا ونى قاتتى ساعىنعانىن، كەزدەسۋدى اسىعا كۇتەتىنىن ايتقان. ونىمەن قوسا، حاتتا سۇيىكتىسىنە تۇرمىسقا شىعۋعا ۇسىنىس جاساپ، نەكە جۇزىگىن سالىپ جىبەرگەن.

«سەنى اياق استى تاستاپ كەتكەنىم قاتتى جانىما باتادى. حات اراسىنا اپامنان قالعان جۇزىكتى سالدىم- بۇل مەنىڭ ساعان مىندەتتى تۇردە ورالاتىنىمنىڭ بەلگىسى، ۋادەم بولسىن»- دەپ جازىلعان ەكەن بۇل ەسكى حاتتا.

ماحاببات حاتىندا دجوردج سۇيىكتىسىنەن وزىنە بارىپ قولىن سۇراي المايتىنى ايتىپ كەشىرىم سۇراعان. وسى رەتتە، حاتتى اناسى ارقىلى تەزدەتىپ جەتكىزەتىنىنە ۋادە بەرگەن.

ارادا 100 جىل ءوتتى، الايدا سولداتتىڭ سۇيىكتىسى ەيلين وسىناۋ ماڭىزدى حاتتى وقي الدى ما، جوق پا، عاشىقتار كەزدەسە الدى ما  – بەلگىسىز.