اسا بايلىق نە كەرەك دەنساۋلىعىڭ بولماسا-دەگەن اتالى ءسوزدىڭ ماعىناسىنا ءمان بەرسەك، دەنساۋلىقتىڭ ءقادىرىن كەي كەزدە كەش ءبىلىپ، سونىڭ زاردابىن تارتىپ جاتامىز. اۋىرىپ ەم ىزدەگەنشە، اۋىرماۋدىڭ جولىن ىزدەۋدى كەيدە ۇمىتىپ جاتامىز.
اۋىرماۋ ءۇشىن سپورتتىڭ، دەنە قىيمىلىنىڭ ادام ومىرىندە الار ورنى ەرەكشە ەكەنى جاقسى بىلەمىز. «ادام دەنەسىنىڭ جەتىلۋى -ونىڭ دەنساۋلىعى؛ ەگەر دەنىڭ ساۋ بولسا، وندا ونى ساقتاماق كەرەك، ال ەگەر ساۋ بولسا، وندا دەندى ساۋىقتىرۋ كەرەك» -دەپ، دەنساۋلىقتىڭ ءقادىرى تۋرالى ۇلى شىعىستىڭ ويشىلى ءال-فارابي اسقان بىلگىرلىكپەن ايتقان ەكەن. وتكەن سەنبىدە سپورت كۇنى وراي، ەلىمىزدىڭ ءار ايماعىندا دەنساۋلىقتى جاقسارتۋعا ارنالعان كوپتەگەن شارالار ۇيىمداستىرىلدى. سونداي اۋقىمدى سپورت مەرەكەسىنىڭ ءبىرى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە بولىپ ءوتتى. «دەنساۋلىق كۇنى» سپارتاكياداسى دەپ اتاۋ العان بۇل سپارتاكيادا سپارتاك ستاديونىنىدا ۇيىمداستىرىلىپ مەرەكەلىك كوڭىل كۇيمەن جالعاستى.
جارىستىڭ سالتاناتتى اشىلۋىندا ءسوز سويلەگەن ۋنيۆەرسيتەت رەكتورى تاحير وسپان ۇلى بالىقبايەۆ ؛ «سپورتتىڭ قوعامدا اسىرەسە ستۋدەنتتەر اراسىندا الار ورنى ەرەكشە»- ەكەنىن ايىرىقشا ايتىپ كەتتى. راسىمەندە دەنى ساۋ ۇرپاقتى تاربيەلەۋ ەلىمىزدەگى جوعارى وقۋى ورىندارىنىڭ العا قويعان نەگىزگى ماقساتتارىنىڭ ءبىرى بولىپ تابىلادى.
جاستار ءبىزدىڭ كەلەشەگىمىز –دەسەك سول جاس بۋىننىڭ وتان قورعايتىن قايراتى كەمەل، سانالى ازامات بولىپ ءوسۋ ءۇشىن بىلىمىمەن قوسا سپورتتى بىرگە قوسا الىپ جۇرگەندە عانا قۋاتتى قوعام قالىپتاستىنى بەلگىلى. وسى ورايدا، سپورت كۇنىنە وراي، ۇيىمداستىرىلىپ وتىرعان ءدۇبىرلى دە دۋماندى شارا ۇلكەن اسەر قالدىردى.
بۇل كۇنى سپورت الاڭىنىڭ ءار بۇرىشىندا تارتىستى سپورت باسەكەلەرى قىزۋ جالعاستى. نەگىزى اتالعان سپارتاكيادا ۋنيۆەرسيتەتتىڭ وقىتۋشى پروفەسسور ۇستازدارى، قىزمەتكەرلەر قۇرمالارى مەن ستۋدەنتتەر قۇرامالارى اراسىندا وربىگەن ەدى. ايتالىق، 50 دەن اسا ۇستازدار مەن قىزمەتكەرلەر سپورتتىڭ: شاحمات، ستول تەننيسى، ۆولەيبول، جەڭىل اتلەتيكا تۇرلەرىن كۇشتەرىن سىناپ كورسە، 900 ستۋدەنت قازاق كۇرەسى، شاعىن فۋتبول، قول كۇرەستىرۋ، توعىزقۇمالاق، ستول تەننيسى جانە جەڭىل اتلەتيكا سەكىلدى تۇرلەرىنەن سىن الاڭدارىنا شىعىپ جەڭىس ءۇشىن جان اياماي شەبەرلىكتەرىن كورسەتتى.
جۋىردا تالدىقورعان قالاسىندا ستۋدەنت جاستار اراسىندا رەسپۋبليكالىق سپارتاكيادا جالاۋىن كوتەرگەنى بەلگىلى. سول بايراقتى باسەكەگە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تالانتتى ستۋدەنت جاستارى دا جەڭىس جولىندا ءوز ونەرلەرىن كورسەتۋدە. سونداي ەل بىرىنشىلىگىندە ۋنيۆەرسيتەت نامىسىن قورعايتىن دارىندى جاستار وسىنداي ىشكى جارىستاردا سۋىرىلىپ شىعىپ كوزگە ءتۇسۋ كەرەك ەكەندىگىن جاقسى بىلەدى. سوندىقتاندا قالايدا وزىپ العا شىعىپ جەڭىسكە جەتۋدىڭ باعىسى وتە زور. اباي اتىنداعى قازاق ۇلتتىق پەدوگوگيكالىق ۋنيۆەرسيتەتىنىڭ ساۋىقتىرۋ دەنە مادەنيەتى كافەداراسىنىڭ مەڭگەرۋشىسى امانتاي قاراقوۆتىڭ قاراماعىندا جاتتىعاتىن شاكىرتتەرى قالارالىق سايىستاردا تابىستى ونەرلەرىمەن ۋنۆەرسيتەت اتىن بارىنشا تانىتىپ كەلەدى. سوندىقتاندا ستۋدەنتتەر ءۇشىن تاجىربيەلەرىن شىڭداي تۇسۋگە وسىنداي تارتىستى ىشكى سپارتكيادانىڭ بەرەرى مول.
سونىمەن جارىس قورتىندىسى بويىنشا، ستۋدەنتتەر اراسىندا 1-ورىندى فيلولوگيا جانە كوپ ءتىلدى ءبىلىم بەرۋ نيستيتۋتى ، 2-ورىندى ماتەماتيكا ينفورماتيكا جانە فيزيكا ينيستيتۋتى، 3-ورىندى ونەر مادەنيەتى جانە سپورت ينيستيتۋتى جەڭىپ السا، قىزمەتكەرلەر مەن پروفەسسور وقىتۋشىلار قۇرامالارى اراسىندا 1-ورىندى ونەر مادەنيەتى جانە سپورت ينيستيتۋتى، 2-ورىندى جاراتىلىستانۋ جانە گەوگرافيا ينيستيتۋتى جانە فيزيكا ينيستيتۋتى ۇزدىك شىعىپ، ۋنيۆەرسيتەتتىڭ ازىرلەگەن قۇرمەت ماراپاتتارىنا يە بولدى. سونىمەن بىرگە جارىس سوڭىندا ءار سپورت تۇرلەرىنەن توپجارىپ كوپشىلىكتىڭ ريزاشىلىعىنا بولىنگەن ستۋدەنتتەردە ايىرىقشا اتالىپ ءوتتى.
قوڭىر كۇزدىڭ شۋاقتى ءبىر كۇنىندە وتكەن الامان سپورت ويىندارى تاماشا كوڭىل كۇيمەن مارەسىنە جەتتى. جالپى، «دەنساۋلىق كۇنى» سپارتاكياداسى جالپى سالاۋاتتى ءومىر ءسۇرۋ جانە سپورتتىڭ دەنساۋلىققا قانشالىقتى پايدالى اسەر ەتەتىگىندىگىنە تارتىستى وتكەن كەزدەسۋلەر ارقىلى كوز جەتكىزدى دەپ تولىقتاي سەنىممەن ايتۋعا بولادى.
« ءبىزدىڭ باقىتىمىزدىڭ وننان توعىزى دەنساۋلىعىمىزعا بايلانىستى»-دەگەن ەكەن ا.شوپەنگاۋەر. ەندەشە سول باقىتىمىزدى دەنساۋلىعىمىزدان تابۋ ءۇشىن، وسىنداي پايداسى شەكسىز سپورت شارالارىنا بەلسەنە قاتىسا وتىرىپ، سالاۋاتتى ءومىر سۇرۋگە ەرەكشە ءمان بەرگەنىمىز ءلازىم.
اقىن ورداباي ۇلى
