تۋلۋزا قالاسىنىڭ بيلىك وكىلدەرى سابيىنە «قورقىنىشتى» ەسىم قويعان اتا-انانىڭ ۇستىنەن فرانسيا ەلىنىڭ باس پروكۋراتۋراسىنا ارىزداندى، — دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

تۋلۋزا قالاسىنىڭ تۇرعىندارى ءوز سابيىنە دجيحاد دەگەن ەسىمدى قويعان.

«فرانسۋز ازاماتىنا قاتىستى زاڭنىڭ 57-تارماعىنا سايكەس ءاربىر اتا-انا ءوز سابيىنە كەز كەلگەن ەسىمدى قويا الادى، الايدا بۇل ءسابيدىڭ مۇددەسىنە كەرەعار بولماۋى كەرەك»، — دەپ ايتتى تۋلۋزا قالاسىنىڭ مەرى. سونىمەن بىرگە تۋلۋزا مەرىنىڭ ايتۋىنشا، سابيگە بەرىلگەن بۇل ەسىم بولاشاقتا وعان كەرى اسەرىن تيگىزەدى.

ال دجيحادتىڭ اتا-اناسى بۇل پىكىرمەن كەلىسپەيدى. سەبەبى دجيحاد كەڭىنەن تارالعان مۇسىلمانشا ەسىم بولىپ سانالادى. سول سەبەپتى اتا-انا بۇل ەسىم سابيگە ەشقانداي كەرى اسەرىن تيگىزبەيتىنىن ايتتى.

ايتا كەتەتىن بولساق، «دجيحاد» ءسوزى اراب تىلىنەن اۋدارعاندا «سوعىس، كۇرەس» دەگەن ماعىنانى بىلدىرەدى. اراب ەلىندە، ناقتىراق ايتقاندا يسلام دىنىندە بۇل ءسوز 2 ماعىنادا قولدانىلادى. العاشقىسى ەل ءۇشىن، ءدىن ءۇشىن بولعان سوعىس — ۇلكەن دجيحاد، ەكىنشىسى، ءار ادامنىڭ ءوزىنىڭ ناپسىسىمەن بولعان كۇرەس  — كىشى دجيحاد. ەكىنشى ماعىنانى ناقتىلايتىن بولساق، ءار ادام ءوزىنىڭ جاعىمسىز مىنەزىمەن نەمەسە ادەتىمەن بولعان ىشكى كۇرەس.