«الەۋمەتتىك جانە شىعارماشىلىق باستامالار جونىندەگى «كەرەكتى كادرلار» قورى» 24 قازاندا الماتى قالاسىندا دوڭگەلەك ۇستەل ۇيىمداستىردى،-دەپ جازادى Qamshy.kz اقپارات اگەنتتىگى. بۇل وتىرىستا بىرنەشە وزەكتى ماسەلەلەر تالقىلانعان بولاتىن: ەلباسىنا ۇسىنىلعان قازاق ءتىلىنىڭ جاڭا ءالىپبيى، ونىڭ وزەكتىلىگى مەن دامۋ كەلەشەگى، جاڭا جوباعا ءتىل ماماندارى، فيلولوگتار مەن ءتىلدى زەرتتەۋشى مامانداردىڭ بەرەر باعاسى مەن ولاردىڭ ۇسىنىستارى.
كەڭەس مۇشەلەرى، ساراپشىلار اتالعان تاقىرىپتا ءوز پىكىرلەرىن ءبىلدىردى. قوعامدىق كەڭەس مۇشەسى قازىبەك شايح جاڭا ءالىپبيدى جاساۋعا كەتەتىن قارجىنىڭ بوسقا دالاعا شاشىلماي، ەل ەكونوميكاسىندا قالاتىنىن ايتتى. «سوڭعى ايلاردا لاتىن الىپبيىنە قاتىستى كوپ پىكىر ايتىلىپ جاتىر. اسىرەسە، بۇل بيۋدجەتكە تومپاق كەلەدى دەگەن ءسوز كوپ. ءبىراق مەن ايتار ەدىم، بۇل ارگۋمەنت سىن كوتەرمەيدى. سەبەبى، ءالىپبيدى اۋىستىرۋعا ءبىز دوللار جۇمسامايمىز، تەڭگە جۇمسايمىز. تەڭگەنى ءوزىمىز جاسايمىز. بۇل اقشاعا مىڭداعان جۇمىس ورىندارى اشىلادى، كىتاپتار قايتا باسىلىپ، قالا اتتارى، كارتا اتاۋلارى وزگەرتىلەدى. مۇنىڭ ءبارى ءوز وتانداستارىمىزدىڭ يگىلىگىنە جۇمىس جاسايدى»، - دەدى ق.شايح. ەكونوميستىڭ ايتۋىنشا، قازىرگى زاماننىڭ ادامى اقپاراتتىڭ 80 پايىزىن ينتەرنەتتەن الادى.
— Pulatova Zamyra (@PZamyra) October 24، 2017
«سوندىقتان، وسى ۋاقىتقا دەيىنگى ءبىلىم قورى قۇردىمعا كەتەدى دەگەن بوس ءسوز. ءقازىر مۇنداي كىتاپتاردىڭ ەلەكتروندى نۇسقاسى كلاۆياتۋرانىڭ ءبىر عانا بەلگىسىن باسۋ ارقىلى دايىن بولادى»، - دەدى ول.
ەستەرىڭىزگە سالا كەتەيىك، لاتىن الىپبيىنە تولىق كوشىپ ءبىتۋ 2025 جىلعا دەيىن اياقتالۋى كەرەك. 2018 جىلدىڭ 1 قاڭتارىنا دەيىن جاڭا ءالىپبيدىڭ نۇسقاسى بەكىتىلىپ، لاتىنداندىرۋ جۇمىستارى قارقىندى جۇرگىزىلەتىن بولادى.
«ەلباسىنا ۇسىنىلعان سوڭعى لاتىن ءالىپبيىنىڭ نۇسقاسى ءالى دە وزگەرتىلەدى»،- ا.بايتۇرسىن ۇلى اتىنداعى ءتىل ءبىلىمى ينستيتۋتى ديرەكتورىنىڭ ورىنباسارى سانسىزسىزباي مادييەۆ مىرزا. ونىڭ ايتۋىنشا، جاڭا الىپبيگە تولىقتىرۋلار مەن تۇزەتۋلەر جاساعىسى كەلگەن ءاربىر قازاقستاندىق ءتىل ءبىلىمى ينستيتۋتىنا ءوز ۇسىنىس حاتتارىن جولداي الادى.
پىكىر قالدىرۋ