قىرعىزستانعا 100 ميلليون دوللار ءبولۋ تۋرالى قازاقستانمەن كەلىسىمنىڭ كۇشىن جويۋ راسىمدەرى باستالعانىنا قاتىستى تۇسىنىك بەردى، - دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنە سىلتەمە جاساي وتىرىپ.
23 قازاندا قىرعىزستاننىڭ سىرتقى ىستەر مينيسترلىگى 2016 جىلعى 26 جەلتوقساندا قول قويىلعان قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى ەكونوميكالىق ينتەگراسيا جاعدايىندا ەكونوميكالىق ىنتىماقتاستىقتى دامىتۋ تۋرالى كەلىسىمنىڭ جانە ونىڭ ءتيىستى حاتتامالارىنىڭ كۇشتەرىن جويۋ راسىمدەرىن باستاعانى جونىندە قازاقستان تاراپىنا رەسمي حابارلادى.
قىرعىزستاننىڭ ەۋرازيالىق ەكونوميكالىق وداققا قوسىلۋ شەڭبەرىندە قازاقستان تاراپى قىرعىز ۇكىمەتىنە وزدەرى العان مىندەتتەمەلەردى ورىنداۋعا قاجەتتى تەحنيكالىق جاردەمدى كورسەتۋگە ۇنەمى دايىن بولدى. قول قويىلعان قۇجاتتار ۋاقىتىلى راتيفيكاسيادان ءوتتى جانە بۇل جاردەمنىڭ ءبىرىنشى ترانشىن اعىمداعى جىلعى قاراشا ايىندا جىبەرۋ جوسپارلانعان ەدى.
اتالعان قاراجاتتى بۇدان ەرتە مەرزىمدە بولۋگە بولار ەدى، الايدا قىرعىز تاراپىنىڭ قاجەتتى قۇجاتتار مەن ءتيىستى سمەتالاردى ۇسىنۋ ۇدەرىسى سوزىلىپ كەتكەنىن اتاپ وتكەن ءجون.
پىكىر قالدىرۋ