«ەل-شەجىرە» قوعامدىق قورى 2017 جىلدىڭ 26 قازانىندا الماتى قالاسى ءدىن ىستەرى جونىندەگى باسقارماسىنىڭ مەملەكەتتىك الەۋمەتتىك تاپسىرىسى اياسىندا قازاقستان رەسپۋبليكاسى ۇلتتىق كىتاپحاناسىنىڭ اكت زالىندا  تاڭعى ساعات 11-دە «حالىق مۇراسى» اتتى ءان، كۇي، جىر كەشىن وتكىزەدى،- دەپ حابارلايدى Qamshy.kz اقپارات اگەنتتىگى.

كونسەرتكە رامازان ستامعازييەۆ، رىمكەش ءجۇمادىلوۆا، ەركىن شۇكىمانوۆ، ۇلجان بايبوسىنوۆا، ارداق يساتايەۆا، جولامان قۇجيمانوۆ، مۇرات ابۋعازى، امانكەلدى كۇزەۋباي، وركەن دۇيسەن، شولپان دارجانوۆا، ايگەرىم قارامەنوۆا جانە تاعى باسقا ونەر قايراتكەرلەرى، قۇرمانعازى اتىنداعى قازاق ۇلتتىق كونسەرۆاتورياسى حالىق مۋزىكاسى فاكۋلتەتىنىڭ ستۋدەنتتەرى قاتىسىپ، قازاقتىڭ ءداستۇرلى اندەرىن ۇلتتىق مۋزىكالىق اسپاپتارمەن – دومبىرامەن، قوبىزبەن، سىبىزعىمەن، شەرتەرمەن ورىندايدى.  

كونسەرتتىڭ ماقساتى – قالاداعى ءارتۇرلى جاماعات وكىلدەرىنە، يسلام دىنىنە بەت بۇرىپ جاتقان جاستارعا، شاھار تۇرعىندارىنا اتا-بابالارىمىزدان قالعان رۋحاني مۇرانى ءداستۇرلى اندەر ارقىلى ناسيحاتتاۋ. 

ءىس-شاراعا الماتى قالاسىنىڭ زيالى قاۋىمى، ءارتۇرلى ءدىني جاماعات مۇشەلەرى، قوعام قايراتكەرلەرى، جاستار ۇيىمدارى، ۇەۇ جانە ب ا ق وكىلدەرى قاتىسادى. كەش سوڭىندا قوناقتارعا ارناپ كوفە-برەيك ۇيىمداستىرىلادى.

سالتاناتتى ءىس-شارانىڭ ەسىگى كەز كەلگەن ونەرسۇيەر قاۋىمعا اشىق.