23-24 قازان كۇندەرى قازاقستان رەسپۋبليكاسى ءدىن ىستەرى جانە ازاماتتىق قوعام مينيسترىلىگىنىڭ ۆيسە-مينيسترى بەرىك ارىن جانە قازاقستان رەسپۋبليكاسى پارلامەنتى سەناتىنىڭ دەپۋتاتى سەرگەي ەرشوۆ ءدىن سالاسىنداعى مەملەكەتتىك ساياساتتىڭ باسىمدىقتارىن ءتۇسىندىرۋ ماقساتىندا جەزقازعان جانە ساتپايەۆ قالالارىنا جۇمىس ساپارىمەن باردى دەپ حابارلايدى Qamshy.kz اقپارات اگەنتتىگى.

ۆيسە-مينيستر بەرىك ارىن بيۋدجەتتىك ۇيىمداردىڭ قىزمەتكەرلەرى،   ءدىني ۇيىمداردىڭ وكىلدەرىمەن جانە «اقنيەت» قق، «جەزتاعىلىم»، «فۋرحان»، «ءۇمىت مەكەنى» قوعامدىق ۇيىمدارىنىڭ باسشىلارىمەن،   سونداي-اق «قازاقمىس» ج ش س كورپوراسياسىنىڭ ەڭبەك ۇجىمىمەن كەزدەستى.

قاراعاندى وبلىسىندا بەيبىتشىلىك پەن كەلىسىمدى نىعايتۋعا ءوز ۇلەسىن قوسىپ وتىرعان 314 ءدىني بىرلەستىك جۇمىس ىستەيدى. دەگەنمەن،  وڭىردە دەسترۋكتيۆتى ءدىني يدەولوگيانىڭ تارالۋىنا جانە ونىڭ تەرىس اسەر ەتۋىنە ىقتيمال ماسەلەلەر ءالى دە بار.  

كەزدەسۋ بارىسىندا ءدىن ىستەرى جانە ازاماتتىق قوعام ۆيسە-مينيسترى بەرىك ارىن ەلدەگى ءدىني احۋالدى جاقسارتۋ بويىنشا قابىلداناتىن شارالار تۋرالى، دەسترۋكتيۆتى اعىمداردىڭ ىقپالىنا جانە قىزمەتىنە قارسى تۇرۋ جايىندا اڭگىمەلەدى. ۆيسە-مينيستردىڭ اقپاراتىنا سايكەس،  قازىرگى كۇنى مينيسترلىك ازىرلەپ جاتقان - ءدىني قىزمەت جانە ءدىني بىرلەستىكتەر ماسەلەلەرى تۋرالى زاڭ جوباسى قازاقستان رەسپۋبليكاسىنىڭ ۇكىمەتىنىڭ قاراۋىنا ەنگىزىلگەن. 

 «زاڭناماعا ەنگىزىلەتىن تۇزەتۋلەر ەلدەگى ءدىني احۋالدىڭ تۇراقتىلىعىن قامتاماسىز ەتۋگە، دەسترۋكتيۆتى ءدىني اعىمداردىڭ يدەيالارىن تاراتۋدى بولدىرماۋعا باعىتتالعان. سونىمەن بىرگە، حالىقتىڭ ۇسىنىستارى دا نازاردان تىس قالماۋى قاجەت، تۇرعىندار ءوز تاراپىنان تەرىس ءدىني اعىمداردىڭ الدىن الۋ جۇمىستارىندا  بەلسەندىلىك تانىتۋى كەرەك»، - دەپ بەرىك ارىن ءوز پىكىرىمەن ءبولىستى.

ال، سەناتور سەرگەي ەرشوۆ جەزقازعاندىق جەرلەستەرىن اتالعان ماسەلەگە قارسى كۇرەستە قوعامدا بەلسەندى بولىپ، بارلىق كۇش-جىگەرلەرىن بىرىكتىرۋگە شاقىردى. حالىق قالاۋلىسى جاس ۇرپاقتىڭ  تەرىس ءدىني اعىمدارعا بەت بۇرماي، بويلارىن اۋلاق ۇستاۋلارى كەرەكتىگىن اشىق ايتتى.   

بۇدان بولەك، ءدىن ىستەرى جانە ازاماتتىق قوعام ۆيسە-مينيسترى ب.ارىن «اكنيەت» قوعامدىق قورىنىڭ جەرگىلىكتى فيليالىنا بارىپ، وسى ورتالىقتىڭ وڭالتۋ كۋرستارىندا جۇرگەن ادامدارمەن كەزدەستى.