قىتايلىق China Eastern اۆياكومپانياسىنىڭ ستيۋاردەسساسى ەسىكتى جابۋعا تىرىسقاندا، لاينەردەن قۇلاپ ءتۇستى، دەپ Qamshy.kz اقپارات اگەنتتىگى newtimes.kz سايتىنا سىلتەمە جاساپ حابارلايدى.
ايتا كەتەيىك، وقيعا 23 قازاندا شەنچجەن اۋەجايىندا بولعان. ءۇش مەتر بيىكتىكتەن قۇلاعان بورتسەرىكتى ۇشاقتىڭ ۇشۋىنا دايىندىقتى اياقتاعان تەحنيكالىق قىزمەتكەرلەردىڭ ءبىرى بايقادى. قىز شۇعىل تۇردە اۋرۋحاناعا جەتكىزىلدى.
باسىلىمنىڭ ايتۋىنشا، ستيۋاردەسسا تەحنيكالىق ەرەجەلەردى ساقتاماي ەسىكتى جابۋعا تىرىسقان.شىن مانىندە، بۇل ەكى ەكيپاج مۇشەسىنىڭ قاتىسۋىمەن ورىندالاتىن ارەكەت.
پىكىر قالدىرۋ