گەرمانيا پرەزيدەنتى فرانك-ۆالتەر شتاينمايەر ءوز ەلىنىڭ رەسەيمەن قارىم-قاتىناسى دەڭگەيىنە كوڭىلى تولمايدى. بۇل تۋرالى ول ماسكەۋدە رەسەي پرەزيدەنتى ۆلاديمير پۋتينمەن كەزدەسكەننەن كەيىن مالىمدەدى، دەپ Qamshy.kz اقپارات اگەنتتىگى ازاتتىق راديوسىنا سىلتەمە جاساپ حابارلايدى.
شتاينمايەر رەسەيدىڭ قىرىمدى اننەكسيالاۋى مەن ۋكراينانىڭ شىعىسىنداعى جانجالعا قاراماستان، ەكى ەل قارىم-قاتىناستى جاقسارتۋ ءۇشىن، بىرلەسىپ كۇش جۇمساۋ كەرەگىن ايتتى.
پۋتين بولسا گەرمانيا پرەزيدەنتىنىڭ ەلىنە ساپارىنان كەيىن ەكى جاقتى قارىم-قاتىناس نىعايادى دەگەن ۇمىتتەنەتىنىن ءبىلدىردى. پۋتين سونىمەن بىرگە شتاينمايەرمەن ۋكراينا شىعىسىنداعى جاعدايدى تالقىلاعانىن ايتتى.
"گەرمانيا مەن رەسەي اراسىنداعى قارىم-قاتىناستىڭ سالقىندىعىنان شتاينمايەردىڭ رەسەيگە ساپارى مەملەكەتتىك دەڭگەيدە ەمەس، جۇمىس ساپارى رەتىندە جاسالدى" دەپ جازادى Deutsche Welle.
