سوڭعى ۋاقىتتا وزبەكستان ءبىلىم جۇيەسىندە زورلىق-زومبىلىق پروبلەماسى ءورشىپ تۇر. وسى جىلدىڭ وزىندە ءبىر ەمەس، بىردەن ءۇش قىلمىستىق ءىس قوزعالدى: سۋرحاندار وبلىسىنداعى بالاباقشاداعى تاربيەلەنۋشىلەرگە قاتىستى ءىس، جاسۋر يبراگيموۆ ەسىمدى مەديسينالىق كوللەدج ستۋدەنتىنىڭ ءولىمى، سونىمەن بىرگە سوڭعى بولعان زاڭ كوللەجىندەگى پىشاقتاۋ قىلمىسى ورىن الىپ ناتيجەسىندە ءجاسوسپىرىم قازا بولعان. بۇل تۋرالى Qamshy.kz اقپارات اگەنتتىگى Sputnik ۋزبەكيستان-عا سىلتەمە بەرىپ حابارلايدى.

وزبەكستان استاناسىنىڭ تۇرعىندارى مەكتەپتەردەگى زورلىق تۋرالى قۇقىق قورعاۋ ورگاندارىنا حابارلاعان، ءتىپتى ءبىرىنشى، ەكىنشى سىنىپ وقۋشىلارى سىنىپتان شىعۋعا قورقاتىنىن جەتكىزگەن.

تاشكەنت قالاسىنىڭ قۇقىق قورعاۋ ورگاندارىنىڭ مالىمەتىنشە، وسى وقۋ جىلى باستالىسىمەن ليسەي جانە كوللەدج ستۋدەنتتەرىنەن بارلىعى 23 پىشاق، بالتا، تراۆماتيكالىق پيستولەت الىنعان.

جاسوسپىرىمدەر اراسىنداعى، مەكتەپتەگى قىلمىستاردىڭ كوبەيۋى ناتيجەسىندە كوللەدجدەر مەن ليسەيلەردە مەتتال دەتەكتورلارى قويىلىپ، ءتىپتى وقۋدى ەلەكتورندى جۇيەگە كوشىرۋ دە قولعا الىنعان.