اتموسفەرالىق فرونتتاردىڭ وتۋىنە بايلانىستى رەسپۋبليكامىزدىڭ كەي جەرلەرىندە جاۋىن-شاشىن جاۋادى. سونىمەن بىرگە، كەي جەرلەرىندە جەلدىڭ كۇشەيۋى مەن تۇمان، بۇرقاسىن، كوكتايعاق كۇتىلەدى دەپ حابارلايدى قازگيدرومەت.
اقمولا، قوستاناي، سولتۇستىك قازاقستان، اقتوبە وبلىستارىنىڭ كەي جەرلەرىندە بۇرقاسىن، كوكتايعاق، جەل 15-20 م/س، سولتۇستىك قازاقستان، اقتوبە وبلىستارىندا تۇمان كۇتىلەدى.
قاراعاندى، جامبىل، شىعىس قازاقستان وبلىستارىنىڭ كەي جەرلەرىندە تۇمان، جەل 15-20 م/س، قاراعاندى وبلىسىندا كوكتايعاق كۇتىلەدى. قىزىلوردا وبلىسىنىڭ كۇندىز كەي جەرلەرىندە جەل 15-20 م/س كۇشەيەدى. باتىس قازاقستان وبلىسىنىڭ كەي جەرلەرىندە تۇمان، كوكتايعاق بولادى. ماڭعىستاۋ، اتىراۋ، پاۆلودار وبلىستارىنىڭ كەي جەرلەرىندە تۇمان كۇتىلەدى.
