وزبەكستان پرەزيدەنتى العاش رەت تۇركياعا مەملەكەتتىك ساپارمەن باردى. پرەزيدەنت انكارا مەن ىستامبۇلدا بولىپ، پارلامەنت باسشىلارىمەن جانە تۇركيا باسشىسى رەجەپ ەردوعانمەن كەزدەستى، دەپ جازادى Qamshy.kz اقپارات اگەنتتىگى.

كەزدەسۋ بارىسىندا ىنتىماقتاستىقتىڭ ءتۇرلى سالالارى اياسىندا 20 قۇجاتقا قول قويىلدى.  سونداي-اق ەردوعانمەن كەزدەسۋدە ساۋدا ماسكەلەسى تالقىلاندى.

2018 جىلدىڭ 16 ناۋرىزىنان باستاپ Turkish Airlines اۋەكومپانياسى ىستامبۇل مەن سامارقاند اراسىندا تۇراقتى رەيستەردى باستايدى. «ۋزبەكيستون حاۆو يۋللاري» ۇلتتىق كومپانياسى ىستامبۇلعا باعىتتايتىن تۇراقتى رەيسىن 30 قازاننان باستاماق. تاسىمالداۋشىلار اراسىندا ستراتەگيالىق ارىپتەستىك تۋرالى كەلىسىمگە قول قويىلدى.

ەردوعانمەن، مينيسترلەرمەن جانە كاسىپكەرلەرمەن كەزدەسۋدەن كەيىن ميرزيەيەۆ تۇركيا رەسپۋبليكاسىنىڭ پارلامەنتىنە بارىپ، مەمەلكەتتىڭ زاڭ شىعارۋشى ورگانىنىڭ باسشىسى يسمايل كاحرامانوۆپەن كەزدەسىپ، كەلىسسوزدەر جۇرگىزدى. كەزدەسۋ اياسىندا تاراپتار پارلامەنتارالىق ىنتىماقتاستىق تۋرالى مەموراندۋمعا قول قويدى.

ساپار مادەني باعدارلامامەن اياقتالدى. شاۆكات ميرزيەيەۆ XV عاسىردا سالىنعان وسمان سۇلتاندارىنىڭ ەجەلگى رەزيدەنسياسى – توپكاپى سارايىن ارالادى.