ءيليننىڭ جۇبايىمەن اجىراسقانىنا ءبىر جىلداي ۋاقىت بولىپتى. اۋىر اتلەت يليا يلين Mens Health Kazakhsan باسىلىمىنا بەرگەن سۇقباتىندا جۇبايىمەن اجىراسىپ كەتكەنى تۋرالى ايتىپ بەردى. بۇل تۋرالى Qamshy.kz اقپارات اگەنتتىگى جازادى.

"ءبىزدىڭ اجىراسىپ كەتكەنىمىزگە ءبىر جىلدان از بولدى. ءبىراق اجىراسۋ تۋرالى قۇجاتتىر جۋىردا عانا كەلدى. 12 جىل بىرگە بولدىق. ءبىر-بىرىمىزدى سۇيدىك. قىزىمىز ءوسىپ كەلەدى. ءبىراق بارلىق قيىندىقتار جينالىپ قالعان كەزدە ءبىز شىداي المادىق"، - دەيدى اۋىر اتلەت. 

"مەن سياقتى اۋىر دەپرەسسياعا ءتۇسىپ كەتكەن ادامعا شىداۋ قيىن شىعار. بىزدە بۇعان دەيىن بارلىق وتباسىنداعىداي كيكىلجىڭ بولدى. ول كەزدە بارلىعىنان امان-ەسەن ءوتىپ جۇردىك. دەگەنمەن سوڭعى كەزدە شىداۋ مۇمكىن بولماي كەتتى. ماعان دا ناتالياعا دا ەكى ەسە قيىن بولىپ كەتتى. مەن مۇنى جاقسى تۇسىنەمىن. ۇلكەن ۇرىس بولدى. سودان سوڭ ول ۇيىنە كەتىپ قالدى. مەن مۇنى كوتەرە الماي، اجىراسۋدى تالاپ ەتتى. بۇل كەزدە كوپ ەموسيانىڭ بولعانىن بىلەمىن. الايدا ءقازىر مۇنىڭ بارلىعىن ىستەۋ كەرەك بولعانىن تۇسىنەمىن. ءالى دە وكپەم بار. ءبىز ءقازىر ارالاسپايمىز. الەۋمەتتىك جەلىلەردە دە ءبىر-بىرىمىزدى باقىلىپ وتىرمايمىز"، - دەيدى يلين. 

سونىمەن قاتار ول وسى جاعدايدان دوستارىمەن وتەتىن وتىرىستار مەن جاتتىعۋلار ارقىلى شىعىپ جۇرگەنىن ايتتى. "جازدا قيىن بولدى. جازدا مەن شۆەيسارياعا زاڭگەرمەن كەزدەسۋگە بارعاندى مۇنىڭ بارلىعى دا باسىمدا تۇردى. دەگەنمەن ءقازىر دە دەپرەسسيادا ءجۇرمىن. ءبىراق ول كەزدە جاعداي ءتىپتى قيىن بولدى. ءتىپتى پسيحياترياعا بارۋعا جاقىن قالدىم. دۇرىس سويلەي المايتىن جاعدايعا جەتتى. ال ءقازىر بارلىعى قالىپقا كەلىپ جاتىر"، - دەيدى يلين. 

"جۇلدە مەن سپورت وباسىنىڭ قاسىندا بولمايتىن دۇنيەلەر. كارەراڭدا ءبارىن قالپىنا كەلتىرىپ الۋعا بولادى. سۇيگەن ادامنىڭ ورنىن تولىقتىرۋ مۇمكىن ەمەس. بۇل وتە جاعىمسىز جاعداي. ءالى دە ءىشىم كۇيىپ اۋىرادى. تولىق قالپىما كەلمەدىم"، - دەيدى تانىمال سپورتشى. 

يليا ءيليننىڭ تولىق سۇحباتىن مىنا سىلتەمەگە ءوتىپ وقۋلارىڭىزعا بولادى. وندا ول سپورتقا قايتا ورالىپ، باسەكەلەردە باعىن سىناۋعا دايىن ەكەنىن ايتادى. 

ايتا كەتەيىك، يليا يلين ناتاليا كۋلاكوۆاعا ۇيلەنگەن بولاتىن. بۇل جۇپتىڭ تويى 2012 جىلى ءوتتى. ناتاليا - گاندبولدان قازاقستاننىڭ بىرنەشە دۇركىن چەمپيونى. ازيا ءبىرىنشىلى مەن ازيا ويىندارىنىڭ قولا جۇلدەگەرى. ەكى رەت الەم بىرىنشىلىگىنە قاتىسقان. 

ەسكە سالايىق، يلين قانىنان رۇقسات ەتىلمەگەن دارۋمەن تابىلعانى ءۇشىن ەكى وليمپيادا ويىندارىنىڭ مەدالىنەن ايىرىلعان بولاتىن. حالىقارالىق اۋىر  اتلەتيكا فەدەراسياسىنىڭ تاراتقان مالىمەتى بويىنشا، ماييا مانەزا مەن زۋلفيا چينشانلو ەكى جىلعا سپورتتان شەتتەتىلسە، سۆەتلانا پودوبەدوۆ جەتى شىلعا شەتتەتىلگەن ەدى. ءبىراق ءيليننىڭ سپورتتان قانشا ۋاقىتقا شەتتەتىلگەنى بەلگىسىز بولىپ تۇر.