قىرعىزستاندا قازاقستاندا وندىرىلەتىن بايىتىلماعان ۇندى تاسىمالداۋعا جانە پايدالانۋعا تىيىم سالىندى دەپ Qamshy.kz اقپارات اگەنتتىگى 24.kz-كە سۇيەنە وتىرىپ حابارلايدى.
الايدا قازاقستاندىق ساراپشىلاردىڭ ايتۋىنشا، بۇدان ءبىزدىڭ شارۋالار ەش ۇتىلمايدى. بىلتىر كورشى ەلگە 27 مىڭ توننادان استام ۇن تاسىمالدادىق. بۇل – ەكسپورتتىڭ جالپى كولەمىنىڭ ءبىر عانا پايىزى.
«قىرعىزدار بۇگىنگى كۇنگە دەيىن قازاقستاندىق بايىتىلماعان ۇنعا قاتىستى ءبىر دە ءبىر شاعىمىن ايتپاعان. ءبىزدىڭ ءونىم كورشى ەلدىڭ نارىعىندا بۇرىننان بار. دەمەك ايىرقالپاقتى اعايىننىڭ مۇنداي شەشىمىندە ساياسي استار جاتقان سەكىلدى»، — دەيدى قازاقستان استىق وڭدەۋشىلەر وداعىنىڭ پرەزيدەنتى ەۆگەنيي گان.
پىكىر قالدىرۋ