جاپونيا ۇكىمەتى سارسەنبىدە تولىق قۇرامدا وتستاۆكاعا كەتۋ تۋرالى ءوتىنىش بەردى. ۇكىمەتتىڭ شۇعىل وتىرىسىندا ونىڭ مۇشەلەرى سايكەس ءوتىنىشتى بەرىپ، كەيىن ونى پرەمەر قابىلدادى. بۇل تۋرالى Qamshy.kz اقپارات اگەنتتىگى تاسس مالىمەتىنە سۇيەنىپ حابارلايدى.
ۇكىمەتتىڭ وتستاۆكاسى - پارلامەنتتىڭ تومەنگى پالاتاسى ارنايى سەسسياسىنىڭ باستالۋى الدىنداعى فورمالدى قادام. ارتىنشا ەلدىڭ جاڭا پرەمەر-مينيسترىن سايلاۋ ءۇشىن داۋىس بەرۋ وتەدى. ليبەرالدى-دەموكراتيالىق پارتيانىڭ باسشىسى سيندزو ابە ۇكىمەتتى باسقارۋى مۇمكىن. ابە سايلانعاننان كەيىن ۇكىمەتتىڭ جاڭا قۇرامىن جاريالايدى. الايدا ەشقانداي ءاۋىس-تۇيىس بولمايدى دەپ كۇتىلۋدە.
پىكىر قالدىرۋ