الماتى وبلىسىندا نارىنقول اۋدانى قۇرىلادى. بۇل تۋرالى استانادا وتكەن وكق بريفينگىندە وبلىس اكىمى اماندىق باتالوۆ مالىمدەدى، دەپ حابارلايدى Qamshy.kz اقپارات اگەنتتىگى.

"وبلىستا جاڭا اۋدان قۇرىلاتىنىن قۋانا حابارلايمىن. شەشىم قابىلدانىپ قويدى. ۇكىمەتتىڭ قاۋلىسى، ەلباسىنىڭ شەشىمى شىققاننان كەيىن قۋانىشتى جاڭالىقتى حالىققا جەتكىزەمىز. ۇسىنىس بىزدەن بولعان ەدى. نارىنقول اكىمشىلىك اۋدانىنا بارعانىمىزدا، جاستاردىڭ ءبارى اۋىلدى تاستاپ كەتكەن، الماتىدا بازار ماڭىن جاعالاپ، جۇمىسسىز ءجۇر. وسىدان كەيىن ول جەردە نارىنقول اۋدانىن قۇرۋ تۋرالى ۇسىنىس جاسادىق. شەكاراسىن ءبولىپ، كورسەتىپ قويدىق، تەك پروسەدۋرالىق جۇمىستار قالدى. سودان كەيىن شەشىم قابىلدانادى. ءبىز كوميسسيا قۇرىپ، نارىنقولداعى مەكەمەلەردى ارالاپ، جاعدايدى كورىپ قايتتىق. كەلەسى جىلدىڭ بيۋدجەتىنە سونىڭ ءبارىن ەنگىزىپ، جوسپارلاۋىمىز كەرەك"، — دەدى اكىم. 

ەستەرىڭىزگە سالا كەتسەك، وسى جازدا الماتى وبلىستىق ءماسليxاتىنىڭ وتىرىسىندا ق ر ۇكىمەتىنە الماتى وبلىسىنىڭ قۇرامىندا اكىمشىلىك ورتالىعى نارىنقول اۋىلى بولاتىن جانە الماتى وبلىسى رايىمبەك اۋدانىنان جەر ءبولۋ ارقىلى جالپى اۋدانى 711 937 گەكتار بولاتىن جاڭا اۋدان قۇرۋ تۋرالى ۇسىنىس بەرىلگەن ەدى. رەسپۋبليكالىق ونوماستيكالىق كوميسسيانىڭ قاراۋىنا جاڭادان قۇرىلعان اۋدانعا «نارىنقول» اتاۋىن بەرۋ تۋرالى ۇسىنىس جىبەرىلدى.