ەكسپو-2017 اۋماعىنداعى «نۇر الەم» بولاشاق مۋزەيى تۋريستىك ايماعىنىڭ اشىلۋ قارساڭىندا مۋزەيگە يوردانيا كورولى ابداللا ءىى بەن ال-حۋسەين باردى. ەكسپو كورمەسى جابىلعاننان كەيىن مۇندا العاش رەت شەت مەملەكەتتىڭ باسشىسى كەلىپ وتىر. «استانا ەكسپو-2017» ۇك» اق باسقارما ءتوراعاسى احمەتجان ەسىموۆ يوردانيا كورولىنە بولاشاق مۋزەيىنىڭ ەكسپوناتتارىن تانىستىرىپ، ونداعى نىسانداردىڭ كورمە وتكەننەن كەيىنگى پايدالانىلۋى جايىن اڭگىمەلەدى.
يوردانيا كورولى ابداللا ءىى بەن ال-حۋسەين ەكسپو-2017 كورمەسىنە يوردانيانىڭ قاتىسۋى قازاقستان رەسپۋبليكاسىمەن ەكىجاقتى قارىم-قاتىناستاردىڭ نىعايۋىنا قىزمەت ەتكەنىن ايتتى.
ايتا كەتەيىك، قازاقستانعا رەسمي ساپارمەن كەلگەن يوردانيا كورولى ابداللا ءىى بەن ال-حۋسەين مۋزەيگە بارماس بۇرىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆپەن كەزدەسكەن بولاتىن.
پىكىر قالدىرۋ