بانگلادەشتىڭ ىشكى ىستەر ءمينيسترى اسادۋززامان حان كەمال الەمدىك قاۋىمداستىقتاردى مۇسىلمان بوسقىنداردىڭ ءوز ۇيلەرىنە ورالۋى ءۇشىن ميانما بيلىگىنە قىسىم جاساۋدى جالعاستىرۋعا شاقىردى، — دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
«حالىقارالىق قىسىم بولماسا بيرما بيلىگى روحيندجالىق مۇسىلماننىڭ ءوز تاريحي وتاندارىنا ورالۋىنا ەش ارەكەت جاساماي وتىر»، — دەدى كەمال. الايدا مينيستر بانگلادەش ۇكىمەتى بوسقىنداردىڭ ءوز ۇيلەرىنە ورالۋى ءۇشىن بار مۇمكىندىكتى جاساپ وتىرعانىن مالىمدەدى. داككا ۋنيۆەرسيتەتى حالىقارالىق قاتىناستار فاكۋلتەتىنىڭ پروفەسسورى يمتياح احمەد الەمدىك قاۋىمداستىق ىقپالىنسىز ميانما بيلىگى بوسقىنداردىڭ ورالۋىنا كەدەرگى جاساۋىن جالعاستىراتىنىن اتاپ كەتتى.
ونىڭ ايتۋىنا قاراعاندا، بانگلادەش ۇكىمەتى ميانماعا ىقپال جاساۋ ءۇشىن جۇڭگو، ءۇندىستان مەن وڭتۇستىك-شىعىس ازيا ەلدەرى اسسوسياسياسى مەملەكەتتەرىنە دەلەگاسيا جىبەرۋى ءتيىس.
پىكىر قالدىرۋ