ايماق باسشىسى دانيال احمەتوۆتىڭ وكىمىمەن اباي اۋدانى اكىمى قىزمەتىنە جارقىنبەك بايسابىروۆ تاعايىندالدى. بۇعان دەيىن ول ءۇرجار اۋدانى اكىمىنىڭ ورىنباسارى بولعان، دەپ جازادى Qamshy.kz اقپارات اگەنتتىگى.
جاڭا باسشىنى اۋدان اكتيۆىنە شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ تانىستىردى. جارقىنبەك بوراش ۇلى 9 تامىزدا 1969 جىلى ءۇرجار اۋدانى ءبىرىنشى ماي اۋىلىندا دۇنيەگە كەلگەن. 1992 جىلى سەمەي زووتەحنيكالىق-ۆەتەرينار ينستيتۋتىن «مال دارىگەرى» جانە 2008 جىلى م.اۋەزوۆ اتىنداعى سەمەي ۋنيۆەرسيتەتىن «ەكونوميكا» ماماندىعى بويىنشا ءتامامداعان.
ەڭبەك جولىن 1992 جىلى ءبىرىنشى ماي اۋىلىندا كالينين اتىنداعى كولحوزدا سانيتارلىق-ەمدەۋ پۋنكتىندە مەڭگەرۋشى قىزمەتىنەن باستاعان. ودان كەيىن بىرنەشە جىل «1 ماي» ج ش س مەڭگەرۋشىسى بولدى. 1998-2004 جىلدارى ارالىعىندا «ەراسىل» شارۋا قوجالىعىن باسقارىپ، ارتىنشا ءۇرجار اۋدانىنىڭ نەكراسوۆ اۋىلدىق وكرۋگىنىڭ اكىمى بولدى. 2006 جىلدىڭ قىركۇيەگىنەن باستاپ جوعارعى ەگىنسۋ اۋىلدىق وكرۋگى اكىمى لاۋازىمىنا تاعايىندالدى. ال 2008 جىلدان وسى كۇنگە دەيىن ءۇرجار اۋدانى اكىمىنىڭ ورىنباسارى مىندەتىن اتقاردى.
