سوڭعى ءبىر ايدان بەرى اندرەي ارشاۆين مەن زايىبى اليسا كازمينانىڭ اراسىنداعى وتباسىلىق جاعدايعا قاتىستى قاۋەسەت كوبەيدى. ونىڭ راس، وتىرىگى قايسى؟ قازاقستان كۋبوگىن جەڭىپ الىپ، ەلىمىزدىڭ بىرىنشىلىگىندە كۇمىس مەدالدى قاناعاتتانعان الماتىنىڭ «قايراتىندا» وينايتىن فۋتبولشىنىڭ بۇل اڭگىمەگە قاتىستى ايتارى بار ما؟

ارينە، ءارشاۆيننىڭ رەسەيلىك فاناتتارى ءۇشىن بۇل وقيعا العاشقىدا توسىن كورىنگەنى راس. 2016 جىلى ۇيلەنگەن ولاردىڭ شاڭىراعىنىڭ شىرايى بۇزىلعانىنا كىم كىنالى؟ رەسەيلىك ب ا ق پەن ينتەرنەت سايتتارىنا بەرگەن سۇحباتىندا اليسا كازمينا مۇنى جوققا شىعارعان، ءبىراق ارتىنان ەكىۇشتىلاۋ ەتىپ تە جاۋاپ قايتارعان. بۇل تۋرالى Qamshy.kz اقپارات اگەنتتىگى ايقىنعا سىلتەمە بەرە وتىرىپ جازادى. 

ولاردىڭ ورتاسىندا ءبىر قىزى بار. ينستاگرامعا جازعان جازباسىندا اليسا العاشقىدا «بۇل جالعان» دەپ اڭگىمەگە نۇكتە قويعان. الايدا بىرنەشە كۇننەن كەيىنگى  جاۋابىندا «ءيا، ءبىز اجىراسىپ جاتىرمىز، بۇل – تاعدىر» دەپ تاعى ءارشاۆيننىڭ فاناتتارىن ابىگەرگە سالعان. ءبىراق وسى ۋاقىتقا دەيىن ۇنسىزدىك تانىتىپ كەلگەن اندرەي ارشاۆين رەسەيلىك ينتەرنەت سايتتارعا بەرگەن جاۋابىندا وكىنىشكە قاراي، مۇنىڭ راستىعىن ايتتى. 

–ءيا، مەن ارمانسىز قىدىردىم، ونى جوققا شىعارمايمىن. اقيقاتىن ايتسام، كەي كەزدەردە  اليساعا دەگەن ماحابباتىمدى تازا كۇيىندە ساقتاي المادىم. ادەپتىلىك پەن سەنىم شەكاراسىنان اسىپ كەتتىم. اليساعا ادال بولا المادىم. وعان ءقازىر وكىنەمىن.  ارينە، وتكەن وقيعانى دۇرىستاي المايسىڭ. ەڭ سوڭعى ءۇمىتىم: ايەلىم مەنى تۇسىنەدى جانە ءبارىن كەشىرەدى دەپ ويلايمىن. بۇل – مەنىڭ ومىرىمدەگى ەڭ جاقىن ادامىم. سوندىقتان ەڭ ءبىرىنشى قادامىم – بۇزىلعان قارىم-قاتىناستى تۇزەۋ، شاڭىراقتىڭ شىرايىن قالپىنا كەلتىرۋ.

ارينە، ونىڭ جاعدايىن دا تۇسىنەمىن. سوندىقتان مۇنى ەشكىمنىڭ باسىنا تىلەمەيمىن. مەنىڭ مامام بۇل جاعدايدى ەستىگەندە قاتتى كۇيزەلىسكە ءتۇستى. ويتكەنى ول اليسامەن وتە جىلى قارىم-قاتىناستا.  ەكەۋى قىزىمدى الىپ، الماتىعا كەلدى، ورتالىق الاڭدا «قايراتتىڭ» ويىنىن كوردى. ءبىزدىڭ كلۋبقا جانكۇيەرلىك ەتتى».

الماتىنىڭ «قايراتىندا» وينايتىن جارتىلاي قورعاۋشى اندرەي ءارشاۆيننىڭ ايتۋىنا قاراعاندا،  سوڭعى ءبىر ايدان بەرى ول ايەلىمەن سويلەسپەگەن. ەكەۋىنىڭ اراسىندا تۇسىنىسپەۋشىلىك بولعاننان كەيىن اليسا كازمينا قىزىن الىپ، سانك-پەتەربورعپ كەتىپ قالعان كورىنەدى. ءقازىر ول وسى شاھاردا جۇمىس ىستەيدى. جاقىن ۋاقىتتا ارشاۆين سانك-پەتەربۋرگكە جول تارتپاق. باستى ماقسات – ەكى اراداعى جاعدايدى قالىپقا كەلتىرۋ.

ءبىراق اليسا كازمينانىڭ الەۋمەتتىك جەلىدەگى پاراقشالارىندا اجىراسۋ تۋرالى ءبىر اۋىز ءسوز جوق. قايتا ونىڭ اندرەيمەن تۇسكەن سۋرەتتەرى كوپ. قاسىندا – سەگىز ايلىق قىزدارى.

– «1 قىركۇيەكتە ءبىزدىڭ قوسىلعانىمىزعا ءبىر جىل تولدى. الايدا كوپ نارسەگە شىدادىم. ءبىز تۋرالى نە ايتىلمادى؟! مەنى «جەزوكشە»، «ناشاقور»، «ماسكۇنەم» دەپ جازعاندار دا كەزدەستى.   ءبىراق ءبىز ءومىر سىناعىنا شىداس بەردىك. ءومىرىمدى جاقسى جاعىنا قاراي بۇرعانى ءۇشىن تاعدىرىما ىرزامىن». اليسا كازمينا ينستاگرامداعى تاياۋداعى جازباسىندا وسىنداي  پىكىر قالدىرىپتى. سوندىقتان ەكەۋىنىڭ الداعى ءومىرى قالاي بولادى، ونى ۋاقىت كورسەتەدى.

دەرەككە جۇگىنەر بولساق، ءبىراز ۋاقىت كەزدەسىپ جۇرگەن  اليسا مەن اندرەي  2016 جىلى زاڭدى نەكەگە تۇرعان. اليسا بۇرىن كاسىپكەر الەكسەي كازمينگە تۇرمىسقا شىققانى بەلگىلى. ولاردان قالعان ەكى قىز بار. اندرەي ءارشاۆينىڭ  ازاماتتىق نەكەدە تۇرعان يۋليا بارانوۆسكايادان تاعى ءۇش بالاسى بار. يۋليامەن توعىز جىل بىرگە تۇرعان ارشاۆين ارتىنان اليساعا ۇيلەنگەن. ەندى مىنە بۇل شاڭىراق تا شايقالعالى تۇر.

…اقشانىڭ بۋىنا ماستانعان ورىستىڭ شيكىل سارى بالاسى  وتباسىلىق قۇندىلىقتى باعالاماي ءجۇر-اۋ.

بەرىك بەيسەن ۇلى