اقش-تىڭ تەحاس شتاتىندا سازەرلەند-سپرينگ قالاشىعىندا باپتيستىك شىركەۋگە كەلۋشىلەر بەلگىسىز ەر ادامنىڭ قۇربانى بولدى. شىركەۋگە اسكەري  كيىم كيگەن ەر ادام ادامدارعا وق جاۋدىرعان. ءدال سول ۋاقىتتا شىركەۋدە 50 ادام بولعان. اتىس بارىسىندا 26 ادام قازا تاۋىپ، تاعى ون ادام جارالانعان. قازا تاپقاندار مەن زارداپ شەككەندەر اراسىندا بالالار دا بار. BBC  حابارلاعانداي، زارداپ شەككەندەر اۋرۋحاناعا جەتكىزىلگەن.

The Guardian باسىلىمىنىڭ جازۋىنشا، شابۋىل جاساۋشى امەريكالىق ازامات ءوزىن-وزى ولتىرگەن، الايدا باسقا دەرەكتەرگە قاراعاندا ونى پوليسيا اتىپ تاستاعان.

ءبىر قىزىعى، مەملەكەت بيلىگى بۇل شابۋىلدى تەرروريستىك ارەكەت دەپ سانامايدى. FBI ۇيىمى شابۋىل جاساعان ديەۆين كەلليدىڭ تەرروريستىك ۇيىمدارعا قاتىسى بار ما، ەكسترەميستىك توپتارمەن بايلانىسى بار-جوعىن انىقتاپ جاتىر.

وقيعا كۋاگەرلەرى مۇنداي جاعدايدان قاتتى شوشىپ قالعان. اتىستى ەستىگەن كۋاگەردىڭ ءبىرى مۇنداي كىشكەنە قالىشىقتا وسىنداي جاعدايدىڭ ورىن الۋى قورقىنىشتى نارسە دەيدى.