بەس بالانىڭ اكەسى 6-شى قاراشادا تۇندە قوقىس سالاتىن جاشىكتەن ءسابي تاۋىپ الدى دەپ جازادى Qamshy.kz اقپارات اگەنتتىگى "موي گورود"-قا سىلتەمە جاساپ.

ەر ادام كەشكى استان كەيىن ساعات 23.00-دە پاتەر دالىزىنە تەمەكى شەگۋگە شىعادى. بىرنەشە بالا جۇگىرىپ كەلىپ، قوقىس جاشىگىنەن ءبىرتۇرلى دىبىس شىعىپ جاتقانىن ايتادى.

«مەن جاشىككە جاقىندادىم دا شىعىپ جاتقان داۋىستى مۇقيات تىڭدادىم. ول بالالار ايتقانداي مىسىقتىڭ داۋىسى ەمەس، ءسابيدىڭ جىلاعانى ەكەنىنە كوزىم جەتتى. تەلەفونىمنىڭ شامىن جاعىپ قارادىم. قوقىس سالاتىن دوربانىڭ ىشىنەن ءسابيدىڭ داۋىسىن ەستىدىم. بالانى الىپ شىقتىم. ونىڭ ءۇستى قان بولدى. كىندىگى دە كەسىلمەگەن. مەن قىزدى كۇرتەشەمە ورادىم دا ۇيگە الىپ كەلدىم» دەيدى نۇرسايا شاعىن اۋدانىنىڭ تۇرعىنى.

ەر ادام بىردەن 102 قىزمەتىنە حابارلاسىپ جەدەل جاردەم شاقىردى. دارىگەرلەر ءسابيدىڭ كىندىگىن كەسىپ، اۋرۋحاناعا الىپ كەتتى.

«بۇگىن ايەلىمىز ەكەۋمىز پەرزەنتحاناعا باردىق. جورگەك، ءسۇت ساتىپ الدىق. ءسابيدى قولىمىزعا ۇستاپ كوردىك. ول ءبىزدى تانىعان سياقتى» دەيدى ەر ادام.

قىزدى تاۋىپ العان وتباسىندا 5 ۇل تاربيەلەنىپ جاتىر. ۇلكەنى كوللەدجدە وقيدى. ورتانشىسى الماتىداعى سپورت مەكتەپتە ءبىلىم الىپ جاتىر. ەكى ۇلى №37 مەكتەپتە وقيدى. ەڭ كىشىسى 9 ايلىق.

ەر ادام 1993 جىلدان بەرى مۇناي كومپانياسىندا وپەراتور بولىپ جۇمىس ىستەيدى.