قازاقستان ۇلتتىق تەلەارناسىنىڭ باسشىسى ەرلان قارين ءوزىنىڭ Facebook پاراقشاسىنا ءار سەنبى ساعات 20.35-تە كورسەتىلەتىن "جەر جيxان" باعدارلاماسىن عالىم بوقاش جۇرگىزەتىنىن حابارلادى. وندا الەمدە بولىپ جاتقان وقيعالارعا جان-جاقتى ساراپتاما جاسالىپ، كورەرمەن نازارىنا ۇسىنىلادى. 

ايتا كەتەيىك، عالىم بوقاش 2001-2005 جىلدار ارالىعىندا "قازاقستان" ۇلتتىق تەلەراديوكورپوراسياسىندا شىعارماشىلىق جانە باسشىلىق قىزمەتتە بولدى.

عالىم بوقاش 1976 جىلى تۋعان. 1983-1993 جىلدار ارالىعىندا سەمەي وبلىسى قارابۇلاق ورتا مەكتەبىندە وقىعان.  ءال-فارابي اتىنداعى قازۇۋ-دىڭ  "ءشىعىستانۋ-ۇندى فيلولوگياسى" بويىنشا ءبىلىم الدى.  وكسفورد ۋنيۆەرسيتەتى، "وڭتۇستىك ازيا تاريحى مەن ساياساتى" بويىنشا MPhil دارەجەسى بار. 

1999-2001 جىلدار ارالىعىندا قازۇۋ-دا ۋردۋ جانە حيندي تىلدەرىنىڭ وقىتۋشىسى بولدى. "قازاق ادەبيەتى" گازەتى، "حابار" اگەنتتىگىندە جۇمىس ىستەدى.  سونىمەن قاتار، الماتى قالاسى اكىمىنىڭ ورىنباسارى جانە قازاقستان رەسپۋبليكاسىنىڭ يران يسلام رەسپۋبليكاسىنداعى ەلشىلىگىنىڭ كەڭەسشى-ۋاكىلى قىزمەتىن اتقاردى.

2010 جىلعى ءساۋىر ايىنان بەرى "ازات ەۋروپا/ازاتتىق راديوسى" كورپوراسياسىنىڭ قازاق قىزمەتىندە ونلاين-پروديۋسەر.