الماتىدا قالالىق اۆتوبۋس پەن جەڭىل كولىك سوقتىعىسىپ، التى ادام اۋرۋحاناعا جاتقىزىلدى، ءبىر ادام وقيعا ورنىندا قازا تاپتى، - دەپ حابارلايدى Sputnik قازاقستان.
جول اپاتى تاتىبەكوۆ كوشەسى بويىندا بولعان. Toyota Mark II كوشە بويىمەن شىعىس باعىتتا كەلە جاتادى، ال 54ء-شى باعدارلى اۆتوبۋس – باتىس باعىتتا.
كوكتايعاق سالدارىنان اۆتوكولىك قارسى بەتتىك قوزعالىس جولاعىنا ءوتىپ كەتكەن. اۆتوبۋس جۇرگىزۋشىسى تەجەگىشتى باسقانىمەن، Toyota وعان بار جىلدامدىقپەن كەلىپ سوعىلادى. سوققى سالدارىنان اۆتوبۋس بورديۋرگە شىعىپ كەتكەن.
وقيعا ورنىنداعى ماڭايدا قۇدىقتان سۋ اعىپ جاتقاندىقتان، كوكتايعاق پايدا بولعان.
جول اپاتى سالدارىنان اۆتوبۋس جۇرگىزۋشىسى مەن بەس جولاۋشى زارداپ شەكتى. Toyota جۇرگىزۋشىسى جەدەل جاردەم كەلگەنشە كوز جۇمعان.
