«قازاقستانداعى گەيلەر تۋرالى فيلم بۇۇ-نىڭ بىرنەشە ۇيىمى ۇيىمداستىرعان جاستار فيلمدەرى كونكۋرسىندا ءبىرىنشى ورىن الدى» دەپ Qamshy.kz اقپارات اگەنتتىگى ازاتتىق راديوسىنىڭ رەسمي سايتىنا سۇيەنىپ جازادى.
«ايبەك» دەپ اتالاتىن ءفيلمدى قازاقستاندىق جاس اۆتور ايشا سالىمگەرەيەۆا تۇسىرگەن. نيۋ-يوركتە وتكەن ماراپاتتاۋ سالتاناتىندا ازاتتىق راديوسىنا سۇحبات بەرگەن فيلم وپەراتورى ءاليحان سماعۇلوۆتىڭ ايتۋىنشا، شىعارماشىلىق توپ فيلمدە «قازاقستاندا گەي بولۋدىڭ قانداي ەكەنىن» كورسەتپەك بولعان. فيلمدە قازاقستانداعى گەيلەر، ولار كەزىگەتىن قيىندىقتار باياندالعان. سماعۇلوۆتىڭ ايتۋىنا قاراعاندا، فيلم بەس كۇندە تۇسىرىلگەن، ءبىراق فيلمدە باستى ءرولدى وينايتىن ادامدى تابۋ قيىنعا سوققان.
