بۇگىن، 15 قاراشادا، ەكونوميكا قارجى سەكتورىنىڭ قىزمەتكەرلەرى وزدەرىنىڭ كاسىبي مەرەكەسى – قارجىگەرلەر كۇنىن اتاپ ءوتتى، — دەپ حابارلايدى Qamshy.kz اقپارات اگەنتتىگى. وسى كۇندى تاڭداۋ كەزدەيسوق ەمەس جانە بۇل كۇن ءوزىمىزدىڭ ۇلتتىق ۆاليۋتامىز — تەڭگەنىڭ 1993 جىلدىڭ 15 قاراشاسىندا اينالىمعا ەنۋىمەن بايلانىستى. قازىرگى قوعامدا كەز كەلگەن جۇمىستىڭ، ءار كاسىپتىڭ يەسى بار. ادام بالاسى ماماندىق يەسى بولا تۇرا اتقاراتىن جۇمىسىنىڭ قيىندىعى مەن اۋىرلىعىنا توزە ءبىلۋى كەرەك. بارلىق كاسىپ وزدىگىنشە ەرەكشە جانە ماڭىزدى. ءار كاسىپتىڭ ءوزىنىڭ جۇمىس وزگەشەلىگى، ءوزىنىڭ قايتالانباس تاريحى، ءوز قۇندىلىعى جانە ءوز باتىرلارى بار.

سونداي باتىر قارجىگەر كەيىپكەرىمىز لەيتەنانت مۋحامەدييەۆا داناگۋل كۋساينوۆنا راديەلەكترونيكا جانە بايلانىس اسكەري-ينجەنەرلىك ينستيتۋتىندا 2013 جىلدان بەرى قىزمەت اتقارادى. 2007 جىلى تۇرار رۇسقۇلوۆ اتىنداعى قازاق ەكونوميكالىق ۋنيۆەرسيتەتىن ءتاماداعان داناگۋل، اسكەري سالاعا دەيىن بانك سالاسىندا قىزمەت اتقارىپ، تاجىربيە جيناقتايدى.

ينستيتۋتىمىزدىڭ 2017 وقۋ جىلىنىڭ قورىتىندىسى بويىنشا، لەيتەنانت د.مۋحامەدييەۆا ۇزدىك قارجىگەر قىزمەتكەر رەتىندە تانىلدى. وسىعان وراي اسكەري ينستيتۋتتىڭ قارجى قىزمەتىنىڭ باستىعى پودپولكوۆنيك مۋستافين مارات تۋلياگانوۆيچ باعىنىشتى ارىپتەستەرىن ءتول مەرەكەلەرىمەن قۇتتىقتاپ، باستى كەيىپكەرىمىز داناگۋلگە كولەن تەرنەردىڭ «ۋمنىي، ستان بوگاتىم!» كىتابىن سىيلىققا تاپسىردى.