يران بيلىگى ءزىلزالادان زارداپ شەككەندەرگە جاردەم بەرۋ ءۇشىن 70 ميلليون اقش دوللارى كولەمىندە قارجى ءبولدى. بۇل تۋرالى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ حابارلايدى.

ونىڭ 165 ميلليونى كەرمانشاح پروۆينسياسىنداعى قيراعان نىسانداردى قالپىنا كەلتىرۋگە جۇمسالادى. بۇل تۋرالى ەل پرەزيدەنتىنىڭ باسپا ءسوز حاتشىسى حابارلادى.

رەسمي مالىمەت بويىنشا تابيعي اپاتتان يران اۋماعىندا 474 ادام قازا تاپتى. تاعى 9 مىڭنان استامى جارالانعان.

جەرگىلىكتى ارنالاردىڭ حابارلاۋىنشا، ءزىلزالادان ءبىر عانا كەرمانشاح پروۆينسياسىنا 500 ميلليون دوللار كولەمىندە شىعىن كەلگەن.

ايماق باسشىسىنىڭ ايتۋىنشا، جەر سىلكىنىسىنەن 40 مىڭداي ءۇيدىڭ قابىرعاسى سوگىلدى. ءقازىر مۇنداعى تۇرعىندار اۋىز سۋ مەن ەلەكتر جارىعىنان اجىراتىلعان.