قازاقستان پرەزيدەنتى نۇرسۇلتان نازاربايەۆ قاڭتاردا اقش پرەزيدەنتى دونالد ترامپپەن كەزدەسەدى، دەپ حابارلايدى Qamshy.kz اقپارات اگەنتتىگى قازاقپارات مالىمەتىنە سۇيەنىپ.

«جۋىردا تەلەفونمەن سۇحبات كەزىندە پرەزيدەنت ترامپ مەنى اق ۇيگە شاقىردى. 2018 جىلعى 1 قاڭتاردان باستاپ قازاقستان بۇۇ قاۋىپسىزدىك كەڭەسىنە ءتوراعالىق ەتۋىنە بايلانىستى مەن سوندا بولامىن. سول كەزدە مەن ۆاشينگتونعا باراتىن بولىپ كەلىستىك»، - دەدى نۇرسۇلتان نازاربايەۆ ەلوردادا 13 قاراشادا وتكەن استانا كلۋبىنىڭ ءۇشىنشى وتىرىسىندا.

مەملەكەت باسشىسى، ەكى ەلدىڭ ەكونوميكالىق بايلانىستا ەكەنىن ايتىپ ءوتتى.

«300-دەن استام امەريكالىق كومپانيالار قازاقستاندا جۇمىس ىستەيدى. اتالمىش كومپانيالار ءبىزدىڭ ەلىمىزگە 50 ملرد دوللار ينۆەستيسيا قۇيىپ وتىر. ولار ءىرى كولەمدەگى مۇناي، ەنەرگەتيكا كومپانيالارى. ءبىز تەحنولوگيا سالاسىندا دا سەرىكتەستىگىمىز جالعاسقانىن قالايمىز» دەپ اتاپ ءوتتى ەلباسى ءوز سوزىندە.