16 قاراشادا ۇقك وڭتۇستىك قازاقستان وبلىسى بويىنشا دەپارتامەنتى ىشكى ىستەر ورگاندارىن قاتىستىرۋمەن وپەراسيانى ىسكە اسىردى، دەپ حابارلايدى Qamshy.kz اقپارات اگەنتتىگى ق ر ۇقك باسپا ءسوز قىزمەتىنە سىلتەمە جاساپ.
وپەراسيا بارىسىندا تەرروريزمدى ناسيحاتتاۋ جانە ءدىني الاۋىزدىقتى قوزدىرۋ كۇدىگى بويىنشا سايرام اۋدانى مەن شىمكەنت قالاسىنىڭ 11 تۇرعىنى ۇستالدى.
كورسەتىلگەن ادامدار «Whatsapp»، «Telegram» مەسسەندجەرلەرىندە جانە ينتەرنەت الەۋمەتتىك جەلىلەرىندە «دايش» جانە باسقا دا حالىقارالىق تەرروريستىك ۇيىمداردىڭ ەكسترەميستىك يدەولوگياسىن ناسيحاتتايتىن ماتەريالداردى جۇيەلى تۇردە تاراتقان.
ەكسترەميستىك ماتەريالدار جالپى سانى 400-دەن استام قاتىسۋشىسى بار 24 جەلىلىك قوعامداستىققا ورنالاستىرىلعان.
تەرگەۋ جانە وزگە دە ءىس-شارالار جالعاسۋدا.
پىكىر قالدىرۋ