ورتالىق گرەكيادا كەنەتتەن سۋ تاسقىنىنا اينالعان جاۋىننان 15-كە جۋىق ادام قازا تاپتى،- دەپ جازادى Qamshy.kz اقپارات اگەنتتىگى.
سۋ تاسقىنىنان ونەركاسىبى دامىعان افينا قالاسىنىڭ باتىسىنا قاراي، ماندرا، نەا-پەراموس جانە مەگارا ورتالىقتارى كوپ زارداپ شەككەن. جەرگىلىكتى مەكەننىڭ باق-نا قۇلاق تۇرەتىن بولساق، قايتىس بولعانداردىڭ كوبى ەگدە جاسقا كەلگەندەر كورىنەدى. سوعان قاراعاندا قارت كىسىلەر ۇيدەن شىعىپ ۇلگەرمەگەن. جىلدام قوزعالعان لاس اعىن جولدىڭ ءبارىن شايىپ وتكەن.
پرەمەر-مينيستر الەكسيس سيپراس قايعىلى جاعدايدان كەيىن قارالى كۇن جاريالادى. «كەم دەگەندە 37 ادام اۋرۋحاناعا جەتكىزىلدى» دەپ حابارلادى ERT تەلەكومپانياسىنىڭ وكىلى.
سۋ تاسقىنى سالدارىنان دەنەسى تابىلماعاندار دا بار.
