جۇلدىز ابدىكارىموۆا قايرات نۇرتاسقا تۇرمىسقا شىققان كەزدەگى العاشقى ساتتەردى ەسىنە الدى. بۇل تۋرالى Qamshy.kz اقپارات اگەنتتىگى جۇلدىزدىڭ ءوز Instagram پاراقشاسىنا قالدىرعان جازباسىنا سۇيەنىپ جازادى.
Instagram-دى نەبارى ەكى اي بۇرىن اشقان قايراتتىڭ جۇبايىنا جازىلۋشىلار سانى كوزدى اشىپ جۇمعانشا 345 مىڭعا جەتتى. ونىڭ سوڭعى جازباسى قايراتتىڭ وتباسىنا العاش رەت كەلىن بولىپ تۇسكەن كەزىنە ارنالادى.
جازبادا جۇلدىز قايراتپەن اراداعى ماحاببات ۇشقىنىنىڭ 2007 جىلى جالىنداپ، 18-19 جاستاعى جاستاردىڭ باقىتتان باسى اينالعان كەزىن سۋرەتتەۋمەن باستالادى. ەكى جاستىڭ جۇرەگى باقىت پەن ماڭگىلىك ماحاببات سوڭىنان قانداي ارەكەتكە بولسىن بارۋعا دايار ەكەندىگى دە اعىنان جارىلا جازىلعان.
«ەكەۋمىز شاڭىراق قۇرۋعا شەشىم قابىلداعاندا اينالاداعىلاردىڭ ايتقاندارىنا ءمان بەرگىمىز كەلمەدى. باستىسى، ونىڭ اتا-اناسى كەلىسىمدى بەردەن بەردى، مەنىڭ اكەم باسىندا بۇل تۋرالى بىلمەگەن، ارتىنان ونى دا كوندىردىك. بەتاشاردان ەكى كۇن وتكەندە قايرات اناسىمەن قازاقستان قالالارىن ارالاپ، گاسترولگە كەتتى. ۇيدە اكە مەن 10-12 جاستاعى بالالارمەن بىرگە قالدىم. ءوز وتباسىمدا كەنجە قىز بولعاندىقتان، تاماق ىستەي المايتىنمىن. دەگەنمەن، ءۇيدى جيناۋ مەنىڭ مىقتى قاسيەتىم بولدى»،- دەپ جازدى جۇلدىز.
بۇل جازبانىڭ سوڭىندا ول از ۋاقىتتان كەيىن جالعاسىن جازاتىندىعىن ايتتى.
جەلى قولدانۋشىلارى ەگەر جۇلدىز كىتاپ جازاتىن بولسا ونى ساتىپ الاتىندىقتارىن جانە قايرات ەكەۋىنە مول باقىت تىلەيتىندىكتەرىن ايتىپ جاتىر. «ءسىز وتە سۇلۋسىز، ءسىزدى العان قايرات باقىتتى» دەپ، تىلەكتەرىن جاۋدىرىپ جاتتى.
