جاسۇلان ءابدىحالىق Jambyl وبلىستىق تەلەارناسىنىڭ ديرەكتورى قىزمەتىنە تاعايىندالدى، دەپ Qamshy.kz اقپارات اگەنتتىگى حابارلايدى. 

بۇل تۋرالى بەرىك ءۋالي ءوزىنىڭ Facebook پاراقشاسىنا ءبولىستى. جاسۇلان ءابدىحالىقتىڭ جاڭا قىزمەتكە تاعايىندالعانىنا شىن قۋانعان بەرىك ءۋالي بىلاي دەپ جازدى: 

ء-ىنىم، ارىپتەسىم، دوسىم جاسۇلاندى جاڭا قىزمەتىمەن شىن جۇرەكتەن قۇتتىقتايمىن! ول جامبىل تەلەارناسىن وسىدان 15 جىل بۇرىن قاتارداعى ءتىلشى بولىپ اتتاعان. سودان رەداكتورلىق، ديكتورلىق، اعا رەداكتور قىزمەتتەرىنە ساتىلاپ ءوسىپ تەلەارنانىڭ باس رەداكتورى - ديرەكتوردىڭ ورىنباسارلىعىنا دەيىن جەتتى.

اعا بۋىن جۋرناليستەردەن ءتالىم الا ءجۇرىپ، تالاي ءتىلشىنى تاربيەلەدى. مەنشىكتى ءتىلشى دەگەن قىزمەتتىڭ مايىن ءىشتى. ۇلتتىق ارنانىڭ، حاباردىڭ، 24kzء-تىڭ جامبىل، اقمولا وبلىستارىنداعى تىلشىلەر قوسىنىن باسقاردى. حاباردىڭ ورتالىق جاڭالىعىندا قىزمەت ەتتى.

قاي ارنادا بولماسىن ءوز بيىگىن جوعالتقان جوق. ال، سوڭعى ءۇش جىلدا ءۇش ۇلكەن سالانىڭ باسپا ءسوز قىزمەتىن باسقارىپ مەملەكەتتىك قىزمەتكە توسەلدى. جاسۇلاننىڭ جاقسى قاسيەتى تاۋەكەلشىل. تالاي جىگىت جۇرەكسىنگەن وقو باسپا ءسوز قىزمەتىنە شاقىرۋىمدى قابىل الىپ، كوكشەتاۋدان كەلىپ بىلەك سىبانىپ كىرىسىپ كەتتى. بىرلەسىپ ۇلكەن جۇمىستار اتقاردىق.

ودان نۇر وتان پارتياسىندا ناعىز ساياسي ناۋقاندا (ءماجىلىس سايلاۋى) بىرگە ەڭبەك ەتتىك. سوڭعى قىزمەتى اۋىل شارۋاشىلىعى مينيسترلىگىندە ءباسپاسوز-حاتشىسى، قوعاممەن بايلانىس باسقارماسىن باسقاردى. ەندى مىنە جۋرناليستيكاعا قايتا ورالىپ، تۋعان جەرىندەگى تەلارنانى تۇلەتۋگە جول تارتتى.

ەرلان قارين مىرزانىڭ كادر تاڭداۋداعى شەبەرلىگىنە تاعى دا ءتانتى بولدىق. بۇعان دەيىن قوستاناي فيليالىنا ەركىن تاڭاتقاندى باسشىلىققا جىبەرگەندە قۋانىپ ەدىك. ەكەۋىدە ەڭبەك جولدارىن تۋعان جەردەگى تەلەرنادان باستاپ، سول ءوڭىردىڭ ىستىق-سۋىعىن جەتىك بىلەتىن، ورتالىقتا تاجىريبە جيناقتاعان بىلىكتى ماماندار.

ال جاسۇلان باۋىرىم، جورتقاندا جولىڭ بولسىن! سەنىمدى اقتاپ، ۇلتىڭا، جۇرتىڭا قىزمەت ەتۋدەن جالىقپا.