اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن جاۋادى، تەك وڭتۇستىكتە، سولتۇستىك-باتىستا جاۋىن-شاشىنسىز اۋا-رايى كۇتىلەدى دەپ جازادى قازگيدرومەت. رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، كوكتايعاق، بۇرقاسىن كۇتىلەدى.

الماتى وبلىسىنىڭ كەي جەرلەرىندە جەلدىڭ كۇشەيۋى 15-20، جالاناشكول اۋدانىندا ەكپىنى 23-28 م/س، تۇندە تۇمان كۇتىلەدى. شىعىس قازاقستان، جامبىل، اقمولا، تۇندە قاراعاندى وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن، جەلدىڭ كۇشى 15-20، شىعىس قازاقستان، جامبىل وبلىستارىندا ەكپىنى 23 م/س كۇتىلەدى. سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، كۇندىز جەلدىڭ كۇشەيۋى 15-20 م/س كۇتىلەدى. پاۆلودار وبلىسىنىڭ كەي جەرلەرىندە جاياۋ بۇرقاسىن، كوكتايعاق، جەلدىڭ كۇشەيۋى 15-20 م/س كۇتىلەدى. قىزىلوردا، وڭتۇستىك قازاقستان، ماڭعىستاۋ، اتىراۋ وبلىستارىنىڭ كەي جەرلەرىندە جەل 15-20 م/س جەتەدى. باتىس قازاقستان، قوستاناي وبلىستارىنىڭ كەي جەرلەرىندە تۇمان كۇتىلەدى.