تۇرسىنعالي الاگوزوۆ زاڭسىزدىق پەن جالعان قۇجات جاساعانى ءۇشىن كۇدىكتى دەپ تانىلدى. بۇل تۋرالى Qamshy.kz اقپارات اگەنتتىگى Today.kz سايتىنا سىلتەمە جاساي وتىرىپ حابارلايدى. 

الايدا تۇرسەنعالي الاگوزوۆ بۇنى جوققا شىعارىپ وتىر. تۇرسىنعالي الاگوزوۆ زاڭدى بۇزىپ ءوز بەتىمەن جالعان قۇجات جاساعانى ءۇشىن كۇدىكتى دەپ تانىلعان. ق ر ۇقك الاگوزوۆتىڭ اتىندا 2 جەكە كۋالىك پەن 2 شەتەلگە شىعۋعا ارنالعان ءتولقۇجات بار ەكەنىن انىقتاعان.

اتالعان قۇجاتتار قازاقستاندا جاسالعان، الايدا قۇجات تۇرسىنعالي الاگوزوۆتىڭ ەسىمىمەن جاسالماعانى انىقتالدى. جالعان قۇجاتتا تۇرسىنعالي الاگوزوۆتىڭ ءاتى-جونى داۋەن دجانگۋتين دەپ بەرىلگەن. بۇل قۇجات بويىنشا تۇرسىنعالي الاگوزوۆ 1970 جىلى 37 قازاندا پاۆلودار وبلىسىندا دۇنيەگە كەلگەن.

تۇرسىنعالي الاگوزوۆ ءوز كەزەگىندە بوتەن ادامنىڭ ەسىمىمەن جاسالعان قۇجاتقا ەشقانداي قاتىسى جوق ەكەنىن ايتتى.

اتالعان اقپاراتتى بۇرىن الاگوزوۆتىڭ يەلىگىندە بولعان  او Galanz bottlers كومپانياسىنىڭ قىزمەتكەرلەرى حابارلاعان. جالعان قۇجات تۋرالى الاگوزوۆتىڭ كومپانياسىنىڭ  قىزمەتكەرى قۇپيا ەسىممەن ايتقانى بەلگىلى بولدى.

جالعان قۇجات بويىنشا تەكسەرۋ جۇمىستارى 15 تامىزدا باستالعان. تەكسەرۋ كەزىندە جالعان قۇجاتتىڭ ءتۇپنۇسقاسىنا قاتىستى ازامات تابىلدى. الايدا داۋرەن دجانگۋتين ەسىمدى ازاماتتىڭ  جەكە كۋالىگى بار ەكەنى انىقتالدى. قازىرگى كەزدە ارنايى ماماندار قولتاڭبا بويىنشا جالعان قۇجاتتىڭ ناقتى كىمگە تيەسىلى ەكەنى انىقتاپ جاتىر.

ال زاڭسىزدىق بويىنشا تەكسەرۋ جۇمىستارى 19 قازاندا باستالىپتى. سول كۇنى تۇرسىنعالي الاگوزوۆ بىرنەشە جىگىتتەرمەن Galanz bottlers زاۋىتىنا باسا كوكتەپ كىرگەن. تارتىپسىزدىكتىڭ 4 ساعاتقا سوزىلعانى بەلگىلى بولدى. كەيىن پوليسيا قىزمەتكەرلەرى ارالاسىپ، تارتىپسىزدىكتى توقتاتقان.

بيزنەسمەننىڭ بۇرىنعى جۇمىس ورنىنا نە ءۇشىن باسا كوكتەپ كىرىپ، تارتىپسىزدىك جاساعانى سول كۇيى بەلگىسىز بولىپ قالا بەردى. الايدا بۇرىنعى قىزمەتتەستەرى تۇرسىنعالي الاگوزوۆتىڭ جاساعان زاڭسىز ارەكەتى ءۇشىن جازالانعانىن قالايدى.