18 قاراشا كۇنى ساعات 09.58 شاماسىندا ورالعا قاراستى زاچاگان كەنتىندە گاز-اۋا قوسپاسىنىڭ جارىلىسى بولدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
بقو تج دەپارتامەنتىنەن تۇسكەن مالىمەتكە قاراعاندا، وقيعا تابىن بوكەنباي باتىر كوشەسى، 3-ۇيدە بولدى. جارىلىس سالدارىنان تۇرعىن ءۇي مانسارداسىنىڭ فرونتونى وپىرىلىپ قۇلاعان. 85 پايىز دەنەسىن كۇيىك شالعان اياعى اۋىر 1980 جىلعى ايەل وبلىستىق كلينيكالىق اۋرۋحاناعا جەتكىزىلدى. دەنەسىنىڭ 3-5 پايىز بولىگى كۇيگەن 1976 جىلى تۋعان ەر ادام مەن تابيعي گازبەن ورتا دارەجەدە ۋلانعان 1955 جىلعى ايەل قالالىق كوپبەيىندى اۋرۋحاناعا ءتۇستى.
سونداي-اق وسى ۇيدەن ءۇش بالا وبلىستىق كوپبەيىندى بالالار اۋرۋحاناسىنا جەتكىزىلگەن. وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى سالامات ەراليننىڭ ايتۋىنشا، ءقازىر وبلىستىق اۋرۋحانانىڭ جانساقتاۋ بولىمىندە جاتقان جۇكتى ايەلدىڭ جاعدايى اۋىر.
