ەلوردادا جاڭادان اشىلاتىن حقكو-دا وپەراتورلار بولمايدى دەپ حابارلايدى Qamshy.kz اقپارات اگەنتتىگى. بۇل تۋرالى پارلامەنت ماجىلىسىندەگى ۇكىمەت ساعاتىندا ق ر  اقپارات جانە كوممۋنيكاسيالار ءمينيسترى داۋرەن ابايەۆ ايتتى.

«جاقىن ارادا استانادا digital-حقكو-نى اشۋ جوسپارلانىپ وتىر. وندا وپەراتورلاردىڭ قاتىسۋىنسىز مەملەكەتتىك قىزمەتتەردى تولىقتاي اۆتوماتتاندىرىلعان رەجىمدە الۋ قاراستىرىلعان. سيفرلىق حالىققا قىزمەت كورسەتۋ ورتالىعىن اشۋ مەملەكەتتىك قىزمەتتەردىڭ جاڭا فورماتىنا كوشۋدىڭ كەزەڭى بولادى. وسى ورايدا ازاماتتار قوعامدىق پۋنكتەر، وزىنە قىزمەت كورسەتۋ سەكتورلارى مەن ارنايى ستەندتەردەگى پلانشەتتەر كومەگىمەن ەلەكتروندىق وتىنىمدەردى بەرەدى»، - دەدى داۋرەن ابايەۆ.

بۇگىندە اقپارات جانە كوممۋنيكاسيالار مينيسترلىگى مەملەكەتتىك قىزمەت كورسەتۋ پروسەستەرىن ودان ءارى دامىتۋ بويىنشا كەشەندى شارالاردى جۇزەگە اسىرۋدا. ەڭ الدىمەن، «ەلەكتروندىق ۇكىمەتتىڭ» جانە «ازاماتتارعا ارنالعان ۇكىمەت» مەملەكەتتىك كورپوراسيانىڭ قىزمەتىن ۇيلەستىرۋ مەن دامىتۋ شارالارى ەسكەرىلگەن.

اقپارات جانە كوممۋنيكاسيالار مينيسترلىگىمەن بىرىگىپ جاسالعان سەرۆيسكە سايكەس، قىزمەت الۋشىنىڭ رۇقساتى راستالعان جاعدايدا مەملەكەتتىك ورگاندار مەن جەكە ۇيىمدارعا «ەلەكتروندى ۇكىمەت» ارقىلى انىقتاما بەرۋ قىزمەتىن ىسكە قوسۋ جوسپارلانۋدا. بۇل قىزمەت ءتۇرى حقكو قىزمەتكەرلەرىنىڭ قاتىسۋىسىز وتەدى. ازامات جەكە مالىمەتتەرىن بەرۋ-بەرمەۋ جونىندە شەشىمدى ءوزى قابىلداپ، SMS-حابارلاما ارقىلى جاۋاپ بەرەدى.
«قازىرگى كەزدە 746 مەملەكەتتىك قىزمەتتىڭ  621ء-ى نەمەسە 83 پايىزدان استامىن ازاماتتار مەملەكەتتىك كورپوراسيا ارقىلى الۋعا قاۋقارلى. ەلىمىز بويىنشا ونىڭ 349 فرونت-كەڭسەسى بار. ولاردا جۇمىس ىستەيتىن 22 مىڭعا جۋىق قىزمەتكەر جىل سايىن 34 ميلليوننان استام قىزمەت كورسەتۋدە»، - دەپ ناقتىلادى داۋرەن ابايەۆ.