ەو-نىڭ  مەملەكەتتىك باسقارۋ سالاسىنداعى جەتەكشى ساراپشىلارى قاتىسۋىمەن ساۋداداعى تەحنيكالىق كەدەرگىلەر مەن زياتكەرلىك مەنشىك قۇقىعى ماسەلەرىنە ارنالعان ەكى TAIEX سەمينارى ءوتتى دەپ حابارلايدى Qamshy.kz اقپارات اگەنتتىگى.

ءىس-شارانى ەۋروپالىق كوميسسيا جانە قازاقستانداعى ەۋروپالىق وداق وكىلدىگى قازاقستان رەسپۋبليكاسىنىڭ ۇكىمەتىمەن تىعىز بايلانىستا ۇيىمداستىردى، قارجىلاندىرۋ ارىپتەستىك قۇرالى ارقىلى جۇرگىزىلدى. سەمينار ەۋرووداق پەن قازاقستان اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمنىڭ  ساۋدا جانە ينۆەستيسيالار باپتارىن جۇزەگە اسىرىلۋىن قامتاماسىز ەتۋگە باعىتتالعان.

استانا قالاسى مەن قازاقستاننىڭ باسقا دا وڭىرلەرىنەن 115-تەن استام قاتىسۋشىلار، سونداي-اق قازاقستان رەسپۋبليكاسىنىڭ ۇلتتىق ەكونوميكا مينيسترلىگى، ادىلەت مينيسترلىگى، ينۆەستيسيالار جانە دامۋ مينيسترلىگى، قارجى مينيسترلىگى، جوعارعى سوت، كەدەن جانە ۇلتتىق زياتكەرلىك مەنشىك ينستيتۋتىنىڭ وكىلدەرى ءىس-شاراعا قاتىستى.

"اتالعان ءىس-شارا ەۋروپالىق وداقتىڭ قازاقستانعا كەڭەيتىلگەن ارىپتەستىك پەن ىنتىماقتاستىق تۋرالى كەلىسىم ۇسىناتىن مۇمكىندىكتەردى تولىق مولشەردە پايدالانۋ ءۇشىن كومەكتەسۋگە دايىن ەكەندىگىن كورسەتەدى. ءبىز ناقتى قادامداردى ىسكە اسىرۋدامىز، ءوزارا ساۋدا مەن ينۆەستيسيالاردى الداعى ۋاقىتتا كۇشەيتۋ ماقساتىندا ەو مۇشە-مەملەكەتتەردىڭ جەتەكەشى ساراپشىلارىن مەملەكەتتىك باسقارۋ سالاسىنداعى قازاقستاندىق ارىپتەستەرىمەن ۇزدىك تاجىريبە بولىسۋگە شاقىردىق،" - قازاقستانداعى ەو وكىلدىگىنىڭ باسشىسى، ەلشى ترايان حريستەا مىرزا اتاپ ءوتتى.

سەمينار قاتىسۋشىلارى قازاقستان - ەۋرازيالىق ەكونوميكالىق وداق (ەاەو) ورتاسىندا قولدانىلا الاتىن ەلەمەنتتەردى باعالاۋ ماقساتىمەن تەحنيكالىق رەتتەۋ، اككرەديتتەۋ، ستاندارتتاۋ، مەترولوگيا جۇيەلەرى، سونداي-اق زياتكەرلىك مەنشىك قۇقىعىن قورعاۋ سالاسىنداعى ەو-نىڭ زاڭڭاماسى مەن ۇزدىك تاجىريبەسى تۋرالى اقپارات الدى.