الماتىدا تۇڭعىش پرەزيدەنتى ساياباعىنىڭ الدىندا 850 شارشى مەترلىك جاڭا مۇز ايدىنى سالىنۋدا . ول الماتىلىقتار مەن قالا قوناقتارى ءۇشىن تاۋلىك بويى تەگىن جۇمىس ىستەيدى دەپ xابارلايدى Qamshy.kz اقپارات اگەنتتىگى  اقپاراتتىق جانە سپورتتىق xابقا سىلتەمە جاساي وتىرىپ.

بۇل جوبانىڭ ۇيىمداستىرۋشىسى الماتى قالاسىنىڭ اكىمدىگى.

قازىرگى ۋاقىتتا، مۇز ايدىندا قۇرىلىس جۇمىستارى جۇرگىزىلۋدە، جاقىندا ونىڭ سالتاناتتى اشىلۋ ءراسىمى وتەدى. ايتا كەتسەك، مۇنداي الاڭدار قاراشانىڭ سوڭىنا دەيىن جىبەك جولى - ابىلاي حان، ءال فارابي - رەميزوۆكا، جاندوسوۆ - شايمەردەنوۆا كوشەلەرىنىڭ قيىلىسىندا، «مارت» ساۋدا ورتالىعىنىڭ جانىندا جانە جەتىسۋ اۋدانى اكىمدىگىنىڭ ماڭىندا اشىلادى. وسى تۋرالى مۇز ايدىنداردىڭ قۇرىلىسىمەن اينالىساتىن Aksays Arena كومپانياسىنىڭ جەتەكشىسى مۇxامەدجان وسەر ايتتى.

«اشىق مۇز ايدىنىن جاساۋ 10 كۇندەي ۋاقىتتى قاجەت ەتەدى. بارلىق قالاۋشىلاردىڭ كەز كەلگەن ۋاقىتتا ءوز كونكيلەرىمەن كەلىپ، تەگىن سىرعاناۋعا مۇمكىندىكتەرى بار. سونداي-اق، 10.00-23.00 ۋاقىت ارالىعىندا كەلۋشىلەر ءۇشىن تاماقتانۋ دۇكەندەرى، كونكيلەردى جالعا الۋ ورتالىقتارى جۇمىس ىستەيدى. ولاردىڭ باعاسى دا قولجەتىمدى بولادى. باسقا مۇز ايدىندارىمەن سالىستىرعاندا كونكيدى 2 ساعاتقا جالعا الۋ 500-600 تەڭگەدەن اسپايدى. ءقازىر مۇزداتقىش قۇرىلعىلاردى كۇتۋدەمىز، ونى ىسكە قوسقان سوڭ مۇزداتۋدى باستايمىز»،- دەدى مۇحامەدجان وسەر.

ونىڭ ايتۋىنشا، بۇل مۇز ايدىندارى جاپپاي سىرعاناۋعا، شورت-ترەك، كونكي تەبۋ، مانەرلەپ سىرعاناۋ سياقتى قىسقى سپورت تۇرلەرىن قالا تۇرعىندارى اراسىندا دامىتۋعا باعىتتالعان. تەگىن سىرعاناۋ الاڭدارى قىس مەزگىلىنىڭ سوڭىنا دەيىن ىستەيدى.