تاجىكستاننىڭ باس پروكۋراتۋراسى جەزوكشەلەر قىزمەتىن پايدالاناتىن ەر ازاماتتاردى جازالاۋ تۋرالى باستاما كوتەردى دەپ حابارلايدى Qamshy.kz اقپارات اگەنتتىگى centralasian.org-قا سىلتەمە جاساي وتىرىپ.
اكىمشىلىك قۇقىقبۇزۋشىلىق تۋرالى كودەكسكە وزگەرتۋلەر كەلەسى جىلدىڭ باسىندا پارلامەنتكە تۇسەدى. ءقازىر جەڭىل جۇرىستىلەرگە عانا ايىپپۇل سالىنىپ ءجۇر.
ەلدىڭ باس پروكۋراسىنا قاراستى ءبىر باسقارما باسشىسىنىڭ ورىنباسارى فاررۋح راۋفوۆتىڭ ايتۋىنشا، اقىلى جىنىستىق قاتىناس قىزمەتىن پايدالاناتىن ەر ازاماتتارعا جازا جەزوكشەلەرگە قولدانىلاتىن جازادان دا قاتاڭ بولادى. "مۇنداي ازاماتتار سانى ازايسا، ءوز ءتانىن ساتاتىن ايەلدەر دە ازايادى. جوبا كەلەسى جىلدىڭ باسىندا پارلامەنتكە جولدانادى"، - دەدى ول.
سوسيولوگ ماريام داۆلاتوۆانىڭ ايتۋىنشا، مۇنداي باستامانى ول 10 جىل بۇرىن جاريالانعان ماقالاسىندا كوتەرگەن. وندا ول جەزوكشە قىزمەتىن قولدانعان ەر ازاماتتاردى دا جازالاۋ كەرەكتىگىن ايتقان.
"سۇرانىس بولماسا، ۇسىنىس تا بولمايدى. ايەلدەردى مۇنداي ارەكەتكە يتەرمەلەيتىن دە ەركەكتەر، ونى پايدالاناتىن دا سولار"، - دەدى داۆلاتوۆا.
تاجىكستان بيلىگى سوڭعى جىلدارى جەزوكشەلەر كوبەيگەنىنە الاڭداپ وتىر. ەلدىڭ ىشكى ىستەر مينيسترلىگى وتكەن جىلى شامامەن 2 مىڭ ايەل جەڭىل جۇرىسكە تۇسكەنى انىقتالعان.
