2015 جىلى 9-شى ايى جەتكەن جۇكتى قۇربىسىنىڭ ءىشىن كەسىپ العان امەريكاندىق ايەلگە 40 جىلعا باس بوستاندىعىنان ايىرۋ تۋرالى سوت ۇكىمى شىقتى، دەپ Qamshy.kz اقپارات اگەنتتىگى New York Post-قا سۇيەنە وتىرىپ جازادى.

سوت 24 جاستاعى نيۋ-يورك تۇرعىنى ەشلي ۋەيدتى قاتىگەز ولىمگە كىنالى دەپ تانىلدى. ناتيجەسىندە ەشلي 40 جىل باس بوستاندىعىنان ايىرىلدى. سوتتا ول ءوزىنىڭ ايۋاندىق ارەكەتى ءۇشىن كەشىرىم سۇراعانمەن، بۇل ارەكەتتى نە ءۇشىن جاساعاندىعى تۋرالى ناقتى تۇسىندىرە المادى.

ەسكە سالا كەتەيىك، قايعىلى وقيعا 2015 جىلى قاراشادا نيۋ-يوركتەگى برونسك دەگەن جەردە بولعان ەدى. ءوزىن جۇكتىمىن دەگەن قىلمىسكەر قۇربىسى انجەليكا ساتتوندى ۇيىنە قوناققا شاقىرعان. 9 ايلىق جۇكتىلىك كەزەڭىندەگى ايەل ءدال وسى كۇنى تۇرمىسقا شىقپاق بولعان. الايدا انجەليكا تابالدىرىقتى اتتاي سالىسىمەن، ەشلي وعان تاپ بەرگەن. قىلمىسكەر ايەل قۇربىسىنا 50 رەت پىشاق سۇعىپ، ول ايعاي سالماسى ءۇشىن ونىڭ دىبىس شىعاراتىن مۇشەسىن جانە قان تامىرلارىن دا اۋىر جاراقاتتاعان. جۇكتى ايەل تىپىرشۋىن توقتاتقاندا، قىلمىسكەر ونىڭ ىشىندەگى ۇرىقتى ىشكى ورگانىمەن قوسا جۇلىپ العان.

تەرگەۋ امالدارى ناتيجەسىندە، ۋەيدتىڭ قىلمىستى الدىن الا جوسپارلاعانى ايان بولدى. ول ءۇشىن ول جۇكتىمىن دەپ وتىرىك ايتىپ، بولاشاق بالاعا كەرەكتىنىڭ بارلىعىن ساتىپ الىپ قويعان.

اناسىنىڭ قۇرساعىنان قاتىگەزدىكپەن كەسىپ الىنعان ءسابي قىز ءتىرى قالدى. قازىرگى كەزدە ول اكەسىمەن بىرگە تۇرادى.