مەملەكەت باسشىسى نۇرسۇلتان نازاربايەۆ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆتى قابىلدادى، دەپ جازادى Qamshy.kz اقپارات اگەنتتىگى.

جاڭا زاڭ قىبىلدانعالى 3400 قىلمىستىق ءىس اشكەرەلەنگەن. سونىڭ سالدارىنان 15 ملرد تەڭگە شىعىن انىقتالىپ، 11ء-ى مەملەكەتكە قايتارىلدى. قايرات قوجامجاروۆ پرەزيدەنتكە وسى سالادا اتقارىلىپ جاتقان جۇمىستار جايلى ەسەپ بەردى.

پرەزيدەنتتىڭ بيىلعى جولداۋىنىڭ سوڭعى ابزاسىندا جەمقورلىقپەن كۇرەس تۋرالى ايتىلعان. 

"ءبىز ەلدەگى سىبايلاس جەمقورلىق دەڭگەيىن تومەندەتۋ باعىتىندا ەلەۋلى قادامدار جاسادىق. الايدا، باستى نازار كوبىنە سىبايلاس جەمقورلىقتىڭ سالدارلارىمەن كۇرەسۋگە اۋدارىلىپ وتىر.

سىبايلاس جەمقورلىقتىڭ سەبەپتەرى مەن العىشارتتارىن انىقتاپ، ولاردى جويۋ جۇمىسىن كۇشەيتۋ قاجەت.

ماڭىزدى ماسەلەنىڭ ءبىرى – ساتىپ الۋ سالاسىن جەتىلدىرۋ.

ۇكىمەتكە مەملەكەتتىك ساتىپ الۋ جۇيەسىن ورتالىقتاندىرىلعان قىزمەت قاعيداتى بويىنشا ەنگىزۋدى تاپسىرامىن.

كۆازيمەملەكەتتىك سەكتوردا، تابيعي مونوپوليا جانە جەر قويناۋىن پايدالانۋ سالالارىندا دا ساتىپ الۋ شارالارىن وتكىزۋ ادىستەرىن تۇبەگەيلى قايتا قاراستىرۋ كەرەك.

سىبايلاس جەمقورلىقپەن كۇرەستە كوپ نارسە بۇكىل قوعامنىڭ بەلسەنە اتسالىسۋىنا بايلانىستى. الەۋمەتتىك جەلىنىڭ، وزگە دە مەديا-رەسۋرستاردىڭ دامۋى جاعدايىندا، سىبايلاس جەمقورلىققا قارسى ىس-ارەكەت بارىسىندا ونى جالپى جۇرتشىلىقتىڭ جەك كورۋى كۇرەستىڭ قۋاتتى قۇرالىنا اينالۋعا ءتيىس"، - دەلىنگەن جولداۋدا.

نۇرسۇلتان نازاربايەۆ سىبايلاس جەمقورلىققا قارسى كۇرەستى كۇشەيتۋدى تاپسىرىپ، مەملەكەت قاراجاتىن ءتيىمدى پايدالانۋ كەرەكتىگىن ايتتى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

– كەيىنگى جىلداردىڭ ىشىندە جەمقورلىققا قارسى كۇرەس ۇلكەن قارقىن الدى دەسە بولادى. وسى ماسەلە جونىندە جاڭا زاڭعا قول قويعان كەزدە قىزمەتكەرلەرگە لاۋازىمدى ادامدارعا ماعان جاقىن ادامداردىڭ بارلىعىنا جەڭىلدىك بولمايدى زاڭدى تۇردە شۇعىلدانامىن وسىمەن دەپ.

قايرات قوجامجاروۆ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى:

– قۇرمەتتى نۇرسۇلتان ءابىش ۇلى، ءبىزدىڭ اگەنتتىكتىڭ قىزمەتكەرلەرى سونىڭ ىشىندە ءتوراعانىڭ ورىنباسارلارى سوڭعى جارتى جىلدا بۇكىل ەۋروپا، امەريكا، شىعىس ەلدەرىنە ءبىزدىڭ سىبايلاس جەمقورلىققا قارسى كۇرەس قىزمەتىن كورسەتىپ كەلە جاتىر. سوندا ەڭ باستىسى قازاقستاندا ۇلكەن ماشتابتا جۇرگىزىلىپ جاتقان ەلباسىنىڭ ساياسي جىگەرلىگى ايتىلادى. سونىمەن قاتار بۇگىنگى قابىلدانعان زاڭنامانىڭ بارلىعى دا قازىرگى ۋاقىتقا ساي. 3400 قىلمىستىق ءىس اشكەرەلەدىك. سونىڭ 1000 سوتقا بەرىلدى. 15 ملرد شىعىن ايقىندالىپ، 11 ملرد قارجىنى ورنىنا قويدىق. بۇگىنگى كۇنى بۇل جۇمىس قارقىندى تۇردە جۇرگىزىلۋدە.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

– سوندىقتان ايتاتىنىمىز، بارلىق قىزمەتكەرلەرگە، جەرگىلىكتى باسشىلارعا، اكىمشىلىكتەرگە مەملەكەتتىك قارجىنى ۇنەمدەۋ كەرەك. ول قارجىعا قوجا رەتىندە قاراۋ كەرەك. مەملەكەتتىڭ اقشاسى – حالىقتىڭ اقشاسى. وسى جۇمىستاردى ءارى قاراي دا جاقسىلاپ جۇرگىزەتىن بولايىق.