تۇركيا قازاقستانداعى تۇرىك ليسەيلەرىنىڭ مۇعالىمدەرىن يسلام ءدىنىن ۋاعىزداۋشى فەتحۋللاح گيۋلەنمەن قاتىسى بار دەپ ايىپتاپ، ەلگە قايتارۋدى تالاپ ەتىپ جاتىر دەپ حابارلايدى Qamshy.kz اقپارات اگەنتتىگى ورتالىق ازيانىڭ جاڭالىقتار قىزمەتىنە سىلتەمە جاساي وتىرىپ.
قازاقستان پرەزيدەنتى وسىعان دەيىن مۇعالىمدەردى تۇركياعا بەرمەيتىنىن مالىمدەگەن. ءبىراق سوعان قاراماستان تۇرىك بيلىگى ولارعا بوسقىن مارتەبەسىن بەرمەۋدى تالاپ ەتەدى.
تامىز ايىندا ميگراسيالىق قىزمەت وكىلدەرى اعارتۋ-يننوۆاسيالىق ليسەيدىڭ تۇركيادان كەلگەن ءمۇعالىمى وسمان دەميرەلدىڭ ءۇيىنىڭ ەسىگىن قاققان. ولار قىزدارىنىڭ مەرزىمى ءوتىپ كەتكەن قۇجاتتارىن سۇراعان. وسى ۋاقىتقا دەيىن قازاقستانداعى تۇركيا ەلشىلىگى قۇجاتتاردىڭ مەرزىمىن ۇزارتۋ تۋرالى وتىنىشتەرىنە قۇلاق اسپاعان.
زاڭگەر الىبەك سمايلوۆ تۇركيادان كەلگەن مۇعالىمدەر قازاقستاندا بوسقىن مارتەبەسىن سۇراعان كۇننىڭ وزىندە، ولارعا بەرۋى ەكىتالاي دەيدى. راسىندا ميگراسيالىق قىزمەت ولاردى ەلىندە قۋدالاپ جاتقانى جونىندەگى قۇجاتتارى جەتكىلىكسىز دەيدى.
قازاقستاندا قازىرگى ۋاقىتتا قازاق-تۇرىك مەكتەپتەرىنىڭ تۇلەكتەرى اراسىندا مۇعالىمدەرىن قورعاۋعا ارنالعان فلەشموب ءجۇرىپ جاتىر. قازاقستاندا وتكەن جىلى تۇرىك ليسەيلەرى اعارتۋ- يننوۆاسيالىق ليسەيى بولىپ وزگەرتىلگەن.
بۇگىنگى كۇنى 27 مەملەكەتتىك، 3 جەكە ليسەي، 2 حالىقارالىق مەكتەپ، 2 كوللەدج بەن 1 سۇلەيمەن دەميرەل اتىنداعى ۋنيۆەرسيتەت بار.
