ق ر ۇكىمەت باسشىسى باقىتجان ساعىنتايەۆ زەينەتاقى قارجىسىن جەكە كومپانيالاردىڭ باسقارۋىنا بەرۋ مەرزىمىن اتادى. بۇل جايىندا پرەمەر-مينيستردىڭ دەپۋتاتتىق ساۋالعا بەرگەن جاۋابىندا ءمالىم بولدى، دەپ Qamshy.kz اقپارات اگەنتتىگى قازاقپاراتقا سۇيەنىپ حابارلايدى.

«اتالعان ماسەلەنى ەگجەي-تەگجەيلى پىسىقتاۋ ءۇشىن جەكە باسقارۋشى كومپانيالاردىڭ باسقارۋىنا زەينەتاقى اكتيۆتەرىن بەرۋ بويىنشا شارالاردى ورىنداۋ مەرزىمى 2018 جىلدىڭ سوڭىنا دەيىن بەلگىلەندى»،-دەپ اتاپ وتىلگەن ساۋالعا بەرىلگەن جاۋاپتا.

ۇكىمەت باسشىسى ق ر ۇلتتىق  بانكى جەكە باسقارۋشى كومپانيالارعا زەينەتاقى اكتيۆتەرىن بەرۋ تۇرعىسىندا ۇسىنىستى ازىرلەگەنىن ەسكە سالىپ ءوتتى. 2016 جانە 2017 جىلداردىڭ بارىسىندا بۇل ۇسىنىستار ەكونوميكالىق ساياسات جونىندەگى كەڭەستە بىرنەشە مارتە تالقىلاندى، سونداي-اق قازىرگى ۋاقىتتا قازاقستاننىڭ قارجى ۇيىمدارىنىڭ قاۋىمداستىعى الاڭىندا بيزنەس-قوعامداستىقپەن تالقىلانۋدا.

زەينەتاقى اكتيۆتەرىن ىشكى نارىقتاعى جەكە باسقارۋشى كومپانيالاردىڭ باسقارۋىنا بەرۋ راسىمدەرىن انىقتاۋمەن قاتار، ۇلتتىق بانك زەينەتاقى اكتيۆتەرى بولىگىندە يندەكستىك ينۆەستيسيالاۋ ءۇشىن شەتەلدىك باسقارۋشىلاردى تارتۋ بويىنشا جۇمىستاردى جۇرگىزۋدە.  «قازىرگى ۋاقىتتا جاھاندىق اكسيالار مەن وبليگاسيالاردىڭ مانداتتارى بويىنشا شەتەلدىك باسقارۋشى كومپانيالاردىڭ سىرتقى باسقارۋىنا زەينەتاقى اكتيۆتەرىن بەرۋ جۇمىستارى جۇرگىزىلىپ جاتىر.

ول كومپانيالار - قازاقستاننىڭ ۇلتتىق قورىنىڭ اكتيۆتەرى جانە ۇلتتىق بانكتىڭ التىن-ۆاليۋتا اكتيۆتەرىنىڭ سىرتقى باسقارۋشىلارى. سونداي-اق «جاھاندىق بەلسەندى اكسيالار» مانداتى بويىنشا جاڭا سىرتقى باسقارۋشىلاردى تاڭداۋ جۇمىستارى جۇرگىزىلۋدە»، - دەلىنگەن حابارلامادا.  زەينەتاقى اكتيۆتەرىن سىرتقى باسقارۋعا بەرۋدى اعىمداعى جىلدىڭ سوڭىنا دەيىن باستاۋ جوسپارلانۋدا.