ميانما باسشىسى ەۋرو وداقتىڭ روحيندجالىق مۇسىلماندارعا جاسالعان قاندى قىرعىن جايلى زەرتتەۋ جۇرگىزۋگە قاتىستى ۇسىنىسىن قابىلداماي تاستادى، — دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. بۇل جايىندا ازيا-ەۋروپا ەلدەرىنىڭ ءسىم-نىڭ XIII وتىرىسىندا سينگاپۋر ءمينيسترى ۆيۆيان بالاكريشنان مالىمدەدى.
«كەزدەسۋدە ءتۇرلى ۇسىنىستار ايتىلدى. الايدا، ميانمانىڭ مەملەكەتتىك كەڭەسشى جانە شەت ەلدىك ىستەر ءمينيسترى اۋن سان سۋ چجي مالىمدەگەندەي، قازىرگى ۋاقىتتا حالىقارالىق قوعامداستىق ۇسىنعان جۇمىستار اتقارىلىپ جاتىر. بۇعان قوسا، جەرگىلىكتى ارنايى كوميسسيا قاجەتتى زەرتەۋلەردى جۇرگىزىپ كەلەدى»، – دەپ اقتالدى ۆيۆيان بالاكريشنان.
ايتا كەتەتىن بولساق ميانما بيلىگى 69 جىل بويى روحيندجالىق مۇسىلمانداردى ازاپتاپ كەلگەن. ميانما بيلىگىنىڭ روحيندجالىق مۇسىلماندارعا قاتىستى زەرتتەۋ جۇمىستارىن جۇرگىزۋگە قارسى بولۋى ولاردىڭ ءوز قىلمىسىن جاسىرۋى بولىپ سانالادى.
