ودەسسا وبلىسىنىڭ ەكس-گۋبەرناتورى مەن جوعارى رادانىڭ دەپۋتاتى جەمقورلىق ماسەلەسىن تالقىلاۋ كەزىندە تىكەلەي ەفيردە توبەلەسە جازدادى دەپ حابارلايدى Qamshy.kz اقپارات اگەنتتىگى.
يگور موسييچۋك سااكاشۆيليدەن «باندەرانى جاقتايسىڭ با، جوق پا؟» دەگەن سۇراعىنا «مەن ۋكراينا جاعىندامىن. ەگەر باندەرا ءتىرى بولسا، ول ءبىرىنشى كەزەكتە جەمقورلاردىڭ كوزىن جويۋشى ەدى» دەپ جاۋاپ بەردى. وسى سوزدەردەن كەيىن موسييچۋك گرۋزيانىڭ بۇرىنعى پرەزيدەنتىن جەمقور دەپ ايىپتادى.
«ءسىز گرۋزيادا جەمقور بولعانسىز. سوندىقتان ءسىز دە جەمقورسىز. سول ءۇشىن ءسىزدى قۋدالادى» دەدى «راديكالدى پارتيا» مۇشەسى. سونىمەن قاتار، سااكاشۆيليدىڭ ۋكراينادا ساياساتپەن اينالىسۋعا ەش قۇقىعى جوق ەكەنىن دە اتاپ ءوتتى.
اشۋعا بۋلىققان موسييچۋكۋ سااكاشۆيليدى ۇرماق بولعاندا باعدارلاما جۇرگىزۋشىسى ونىڭ جولىن بوگەدى.
ايتا كەتەيىك، 2013 جىلى گرۋزيانىڭ جاڭا پرەزيدەنتى سايلانعاندا سااكاشۆيليدىڭ ۇستىنەن بىرنەشە قىلمىستىق ءىس قوزعالدى. ونىڭ ىشىندە $5 ميلليوندى جاراتۋ ايىبى دا بار.
سااكاشۆيلي ۋكراينا ازاماتتتىعىن الىپ، ودەسسا وبلىسى اكىمشىلىگىن باسقاردى، ءبىراق ءبىر جارىم جىلدان كەيىن وتستاۆكاعا كەتتى. ۋكراينا پرەزيدەنتى پەتر پوروشەنكو ونى ازاماتتىعىنان ايىردى. وسىعان قاراماستان ساياساتكەر كييەۆكە ورالدى.
