قاراعاندىدا جاڭا ورتالىق پايدا بولماق. قازىرگى تاڭدا وندا بەلسەندى تۇردە قۇرىلىس جۇمىستارى جۇرگىزىلۋدە. بۇل تۋرالى قاراعاندى وبلىسىنىڭ اكىمى ەرلان قوشانوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ايتتى، دەپ حابارلايدى Qamshy.kz اقپارات اگەنتتىگى. 

باسپا ءسوز ءماسليحاتىندا وبلىس اكىمى مەملەكەتتىك باعدارلامالار مەن الەۋمەتتىك –ەكونوميكالىق دامۋ قورتىندىسىنىڭ 10 ايداعى كورسەتكىشىمەن ءبولىستى.

ەرلان قوشانوۆتىڭ ايتۋىنشا، جاڭا ورتالىقتا 24 قاباتتى تۇرعىن ءۇي كەشەنى، وبلىستىق سوتتىڭ جاڭا عيماراتى، كۇرەس ورتالىعى، 50 مەترلىك باسسەينى بار بالالار جانە جاسوسپىرىمدەر سارايى، كونسەرتتىك زال سەكىلدى تىڭ جانە اۋقىمدى عيماراتتار سالىنىپ جاتىر.

بۇدان سىرت مەمكەتتىك باعدارلامالاردىڭ دا ويداعىداي جۇزەگە اسىپ جاتقانىن ايتا كەلىپ: ««نۇرلى جەر» باعدارلاماسى بويىنشا وبلىستا جىل سوڭىنا دەيىن 340 مىڭ شارشى مەتر تۇرعىن ءۇي قولدانىسقا بەرىلەدى، ال 800 جەكە ۇيلەردىڭ قۇرىلىسى ءۇشىن ينفراقۇرىلىم جاسالىپ جاتىر»، - دەدى.