بىشكەكتە ءوتىپ جاتقان ۇلىقتاۋ سالتاناتىندا سويلەگەن قىرعىزستان پرەزيدەنتى سوورونباي جەەنبەكوۆ قىزمەتىنەن كەتىپ جاتقان پرەزيدەنت المازبەك اتامبايەۆقا العىس ءبىلدىرىپ، العاشقى جارلىعىمەن وعان «قىرعىز رەسپۋبليكاسىنىڭ باتىرى» اتاعىن بەرەتىنىن جانە «اك-شۋمكار» وردەنىمەن ماراپاتتايتىنىن مالىمدەدى دەپ حابارلايدى Qamshy.kz اقپارات اگەنتتىگى ازاتتىققا سىلتەمە جاساي وتىرىپ.

جەەنبەكوۆ بۇعان قوسا سايلاۋشىلار مەن پارتيالاستارىنا وزىنە سەنىم بىلدىرگەنى ءۇشىن العىس ءبىلدىردى. «ەلدىڭ تاعدىرى - بۇل ءاربىرىمىزدىڭ تاعدىرىمىز. مەن ءۇشىن ءومىردىڭ - ءمانى سىزدەردىڭ سەنىمدەرىڭىزدى اقتاۋ جانە مەملەكەتتىلىكتى نىعايتۋ» دەدى قىرعىزستان پرەزيدەنتى.

ول سونىمەن قاتار اتامبايەۆ باستاعان دامۋ جولىن، مەملەكەتتىك باسقارۋدىڭ پارلامەنتتىك فورماسىن جاقتايتىنىن مالىمدەدى.

سوورونباي جەەنبەكوۆتى ۇلىقتاۋ سالتاناتى بىشكەكتەگى «الا-ارچا» مەملەكەتتىك رەزيدەنسياسىندا ءوتىپ جاتىر.